6 Naguo ûtukû mbere ya Herode avira Petero kûrî andû, Petero aarî njeera amamîte karîgatî ka athigari aîrî, na ovetwe na mînyororo îrî. Nao athigari acio engî maarangîrîte mwîrîga wa njeera.
Kwoguo Iburahimu nîwetire vandû vau “Ngai-Mûnene nîavecanaga”. Nginya ûmûnthî andû maugaga atîrî, “Kîrîmarî Kîam Ngai-Mûnene, nîavecanaga.”
Mamaga ûrîrî na nganyitwa nî toro nîrî na thayû, nîûndû we Ngai-Mûnene, nîwe wenga tu ûngitagîra.
Kiugo nîgîakinyîre Jeremia kuuma kûrî Ngai-Mûnene vuva wa kûrekererua aume Rama nî Nebuzaradani mûnene wa arangîri a mûthamaki. Mûnene ûcio wa arangîri nîwocete Jeremia arî mwove na mvîngû vamwe na andû kuuma Jerusalemu na Juda arîa onthe maanyitîtwe mavirwe îthamîriorî Babuloni.
Rîu, nîngûkwovora mvîngû njara. Ethîrwa nîûkwona kwagîrîte tûthiî nawe Babuloni, ûka tûthiî, na nîngûkûmenyerera waro. Nwatî ethîrwa ndûrona kwagîrîrîte tûthiî nawe Babuloni, ndûgaûke. Ûrîmwîtîkîrie kûthiî vandû wa vonthe ûngîenda vûrûrirî ûyû.
Nao arangîri nîmeetigîre mûno, makinaina na magîkara ta andû akuû.
Kwoguo Petero nîwaigirwe njeera, nwatî andû arîa maarî a kanitha nîmaamûvoere Ngai marî na kîîo.
Nake mûnene ûcio wa athigari nîwathiîre varîa Paûlo aarî, akîmûnyita na akîathana akiuga Paûlo ovwe na mînyororo îîrî. Nake mûnene ûcio nîwacokire akîûria atîrî, “Mûndû ûyû nû, na ekîte atîa?”
Kîu nîkîo kîratûmire mende kûmwona na twaranîrie namue. Ûvoro wa ma nî atî, njovetwe na mînyororo îno nîûndû wa mwîrîgîrîro wa Isiraeli.”
“Vîndî îrîa tue tûkinyire njeera, twîthîre kûvingîtwe waro na arangîri marûngamîte mîrangorî. Nwatî rîrîa tûvingûrire mîrango, tûtinethîra mûndû wana ûmwe kuo!”
Nîrî mwarîrîria wa ûvoro mwaro, na nîreka ûguo rîu nîrî gûkû njeera. Mvoyagîrani nîguo mvunjagie ûvoro mwaro ndarî na guoya wata ûrîa mbagîrîrwe nî kwaria.
Nînîngîamathiririe onthe viû, mariganîre gûkû nthî.
Mwathani aroîguîra andû a mûciî wa Onesiforo ntha, nîûndû aanatûma njokwe nî thayû mavinda meengî. Ke ndaanaconoka nîûndû atî nie naarî njeera,
Kwoguo tûrî na ûmîrîru nwa tuge atîrî, “Mwathani nîke ûndethagia, nie ndigeetigîra. Nî atîa mûndû wana ûrîkû angîmbîka?”