Ciîko 12:5 - ÎVUKU RÎA ÛVORO MWARO

⁵ Kwoguo Petero nîwaigirwe njeera, nwatî andû arîa maarî a kanitha nîmaamûvoere Ngai marî na kîîo.

Ciîko 12:5 ပူးပေါင်းရင်းမြစ်များ

Mathaayo 18:19

Na rîngî nîramwîra atî, ethîrwa andû aîrî gatagatîrî kenyu magetîkanîria ûndû ûrîa makûvoya, nîmakaavingîrua ûndû ûcio nî Vava ûrîa ûrî îgûrû.

Luka 18:1

Jesû nîwacokire akîva arutwa ake ngerekano ya kûmonia atî nîmagîrîrwe nî kûvoya vingo cionthe matagûkua ngoro.

Ciîko 12:12

Na rîrîa aamenyire ûguo, nîwathiîre mûciî kwa Mariamu ng'ina wa Johana ûrîa na rîîtwa rîngî wîtagwa Maariko. Nao andû eengî nîmaacemanîtie kuo makîvoyaga.

Ciîko 12:4

Nake Herode arîkia kûnyitithia Petero, nîwamûvingîrithirie njeera na akîmûnenganîra arangîrwe nî ikundi inya cia athigari ana ana. Herode aavangîte nîakûmûciirithia arî mbere ya andû vuva wa Kîrugo Kîam pasaka.

Ciîko 12:6

Naguo ûtukû mbere ya Herode avira Petero kûrî andû, Petero aarî njeera amamîte karîgatî ka athigari aîrî, na ovetwe na mînyororo îrî. Nao athigari acio engî maarangîrîte mwîrîga wa njeera.

1Akor 12:26

Kîîga kîmwe Kîam mwîrî gîkathînîka, ciîga icio ciîngî cionthe nîithînîkaga vamwe nakîo. Nakîo kîîga kîmwe Kîam mwîrî gîkavewa gîtîîo ciîga icio ciîngî cionthe nîikenaga vamwe nakîo.

2Akor 1:11

Wanamue nîmwagîrîrwe nî gûtûtethia na mavoya nîguo andû engî magaacokia ngatho kûrî Ngai vandûrî vetû nîûndû wa irathimo irîa tûgwatîte kuuma kûrî Ngai nîûndû wa mavoya mao meengî.

1Ath 5:17

Voyagani mûtagûtigithîrîria

Ahib 13:3

Ririkanagani arîa marî njeera takwa mûrî njeera nao. Ririkanagani arîa maranyamarua takwa mûranyamarua wata o.

Jakuvu 5:16

Kwoguo umbûranagîrani mevia menyu na mûvoyanagîre nîguo mue mûvonue. Mavoya ma mûndû mûthingu nîmethagîrwa na ûvoti mûnene.