Ciîko 12:4 - ÎVUKU RÎA ÛVORO MWARO

⁴ Nake Herode arîkia kûnyitithia Petero, nîwamûvingîrithirie njeera na akîmûnenganîra arangîrwe nî ikundi inya cia athigari ana ana. Herode aavangîte nîakûmûciirithia arî mbere ya andû vuva wa Kîrugo Kîam pasaka.

Ciîko 12:4 ပူးပေါင်းရင်းမြစ်များ

Esita 3:13

Namo maarûa mau nîmavirirwe mavûrûrirî monthe marîa maathanagwa nî mûthamaki ûcio na mandîkîtwe atî Ayahudi onthe, ciana, athuuri, aka na anake maûragwe. Nao nîmakaûragwa matakwîguîrwa ntha na indo ciao cionthe ciocwe.

Ntha 12:1

Ngai-Mûnene nîwarîrie Musa na Aroni marî Misiri na akîmeera atîrî,

Nthi 19:21

Mûndû ethagîrwa arî na mîvango mîîngî ngororî yake, nwatî wendi wa Ngai-Mûnene nîguo wîkîkaga.

Nthi 27:1

Ndûgetîîe nîûndû wa ûrîa ûgeeka rûyû, nîûndû ndwîcî gûkethîrwa gwîkariî atîa.

Maca 3:37

Kûrî mûndû ûngîathana ûndû ûgekîka, tiga ûrîa Ngai ke mwene etîkîrîtie wîkîke?

Mathaayo 24:9

“Na mue nîmûgaacoka mûnyitwe na mûnenganîrwe kûrî andû nîguo mamûverithie na mamûûrage. Nao andû onthe a nthî nîmakaamûmena nîûndû wakwa.

Mathaayo 26:5

Nwatî nîmeeranire atîrî, “Tûtingîmûnyita vîndî îno ya kîrugo, nîûndû andû mavota kûgoma.”

Maariko 14:1

Mîthenya îîrî mbere ya kîrugo Kîam pasaka vamwe na kîrugo Kîam mîgate îrîa îtethagîrwa îkîrîtwe ndawa ya kwimbia, anene a athînjîri-Ngai, na arimû a Watho nîmaambîrîrie gûtuîria ûrîa mangînyita Jesû na nthitho nîguo mamûûrage.

Luka 21:12

Nwatî mbere ya maûndû mama monthe mekîke, mue nîmûkaanyitwa na mûnyarirwe. Nîmûkaanenganîrwa nîguo mûcirithîrue mavoerorî na mwikue njeera na mûcoke mûvirwe mbere ya athamaki na aathani nîûndû wakwa.

Luka 22:33

Nake Petero nîwamûcokerie atîrî, “Mwathani, nie nîrî mwîvarîriu kûvingîrwa njeera wana kûûragwa vamwe nawe!”

Johana 19:23

Nao athigari marîkia kwamba Jesû mûtharavarî, nîmaagaanirie nguo ciake icunjî inya, wa mûthigari gîcunjî gîake. Nîmaacokire magîoca kanjû yake îrîa yatumîtwe na gîtambaa gîtaarî na rûtumo wana rûmwe.

Johana 21:18

Nîrakwîra na ma atî vîndî îrîa warî mwîthî wevaragîria na ûkathiî wa kûrîa kuonthe wendaga, nwatî vîndî îrîa ûgaakûra ûgaatambûrûkia njara ciaku nake mûndû wîngî akwove na akûvire kûrîa ûtarenda kûthiî.”

Ciîko 12:3

Na rîrîa Herode oonire atî ûndû ûcio nîwakenirie Ayahudi, nîwanyitithirie Petero wana ke. (Ûndû ûyû wekîkire vîndî ya Kîrugo Kîam Mîgate îrîa îtarî mîkîre ndawa ya kwimbia.)

Ciîko 12:5

Kwoguo Petero nîwaigirwe njeera, nwatî andû arîa maarî a kanitha nîmaamûvoere Ngai marî na kîîo.

Ciîko 4:28

Maatûnganire nîguo meke maûndû monthe marîa we na vinya na wendi waku wavangîte kuuma wa Kîammbîrîria atî nîmagekîka.

Ciîko 4:3

Ayahudi acio nîmaanyitire Petero na Johana na makîmavingîra njera nîguo meterere gûkîe, nîûndû kwarî kîvwaî.

Ciîko 5:18

Nîmaanyitire atûmwa na makîmavingîra njeera îrîa yavingagîrwa andû onthe.

Ciîko 8:3

Nwatî Saûlo nîwageririe kûthiria kanitha. Nake nîwathiîcaga agîtonyaga nyomba wa nyomba akîrutûrûraga etîkia, arûme na aka na agatûmaga mavingîrwe njeera.