Ciîko 12:11 - ÎVUKU RÎA ÛVORO MWARO

¹¹ Nake Petero nîwamenyire ûrîa gwekîkîte kûrî ke, na akiuga atîrî, “Rîu nînamenya atî Mwathani na ma nîatûmîte mûraika wake aûke andethûre kuuma kûrî Herode na kuuma kûrî maûndû monthe marîa Ayahudi mareciragia nîmagwîka.”

Ciîko 12:11 ပူးပေါင်းရင်းမြစ်များ

Kîam 15:13

Nake Ngai-Mûnene nîwerire Aburamu atîrî, “Njiarwa ciaku nîikethîrwa irî ng'eni vûrûrirî mûgeni. Nîigaatuîka ngombo kuo na ivinyîrîrue îvinda rîa mîaka magana mana.

Kîam 18:13

Nake Ngai-Mûnene nîwaûririe Iburahimu atîrî, “Nîndûî gîtûmire Sara atheka na auga, ‘Nwa kûvoteke nie ngîe kaana nîrî mûkûrû ûguo?’

Kîam 26:9

Abimeleki nîwetire Isaka na akîmûria atîrî, “Kwoguo ûyû nî mûkaguo! Nîndûî kîratûmire uge atî nî mwarwanyûkwe?” Nake Isaka nîwacokirie atîrî, “Neciragia atî nauga Rebeka nî mûka wakwa, nîngûragwa.”

2Sam 22:1

Rîrîa Ngai-Mûnene aavonokirie Daudi kuuma kûrî Saûlo na nthû irîa ciîngî ciake cionthe Daudi nîwainîre Ngai-Mûnene rwîmbo rûrû:

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

Ayubu 31:31

Andû onthe arîa mandungataga nîmaicî waro atî, nînyamûkagîra ageni na ngamatuga.

Ayubu 5:19

Ke nîagaagûkûûra mathînarî matandatû, na ndûgaacûkangua nî thîna wa mûgwanja.

Thaburi 109:31

nîûndû nîagitagîra andû arîa athîni, na akamavonokia kuuma kûrî arîa mamatucagîra kûragwa.

Thaburi 33:18

Ngai-Mûnene nîaroragia arîa mamwathîkagîra, arîa mevokete wendo wake ûtathiraga.

Thaburi 33:19

Nîamavonokagia kuuma gîkuûrî, na akamatûûria mwoyo vîndî ya yûra.

Thaburi 34:22

Ngai-Mûnene nîavonokagia mîoyo ya andû ake; arîa mathiîcaga kûrî ke nîguo amagitîre matikaaverithua.

Thaburi 34:7

Mûraika wa Ngai-Mûnene nîamenyagîrîra andû arîa magoocaga Ngai-Mûnene, na nîamavonokagia kuuma ûgwatirî.

Thaburi 41:2

Ngai-Mûnene nîamagitagîra na akamamenyerera ûtûûrorî wao; nîmagaatûûra marî akenu marî vûrûrirî; ke ndakaamatiganîria kûrî nthû ciao.

Thaburi 97:10

Ngai-Mûnene nîendete andû arîa mathûrîte maûndû macûku, nîamenyagîrîra ûtûûro wa andû ake, nîamavonokagia kuuma kûrî andû arîa aganu.

Danieli 3:25

Mûthamaki nîwathiîre na mbere na akiuga atîrî, “Nwatî nîrona arûme ana magîceera mwakirî matarî ove na matakûvîa nî mwaki. Mûndû wa kana ekariî ta mûraika.”

Danieli 3:28

Nebukadinezarû nîwaugire atîrî, “Ngai wa Shadiraka Mîsheki na Abedinego arokumua! Ke nîatûme mûraika wake nîguo avonokie arûme aya arîa mamûtungatagîra nama mamwîvokete. Nîmaaregire kwathîkîra watho wakwa na makiuga atî, nîkava gûkua îthenya rîa kwînamîrîra nthî, nîguo mavoe ngai îngî tiga Ngai wao.

Danieli 6:22

Ngai wakwa nîatûmire mûraika avinge mînyambû tûnyua nîguo ndîkanjûkangie. Ekire ûguo nîûndû ndianamûvîtîria kana ngûvîtîria we mûthamaki wetû.”

Luka 15:17

Na mûthiiarî, mwanake ûcio nîwakirire na agîîciria atîrî, ‘Andû onthe arîa marutaga wîra kwa vava marîcaga, makavaa na magatigaria, nwatî nie nîrakuîra gûkû nî yûra.

Ciîko 12:7

Nake mûraika wa Mwathani nîwaumîre wa rîmwe na ûtheri ûgîkenga kûu njeera. Mûraika ûcio nîwainainirie Petero amûgwete Kîamnde, akîmûramûkia na akîmwîra atîrî, “Ramûka narua!” Nayo mînyororo îrîa ovetwe njara nayo nîyagwîre nthî wa rîmwe.

Ciîko 24:27

Rîrîa mîaka îîrî yavîtûkire, Porikio Fesito nîwocire wîra wa Feliki, na agîtuîka mûnene wa thirikari. Feliki nîwendaga kwîyendithia kûrî Ayahudi, kwoguo nîwatigire Paûlo arî njeera.

Ciîko 25:9

Nwatî Fesito nîwendaga kwîyendithia kûrî Ayahudi. Kwoguo nîwaûririe Paûlo atîrî, “We nwa wende kûthiî Jerusalemu nîguo ngagûcirithîrie kuo îgûrû rîa maûndû mama?”

Ciîko 5:19

Nwatî ûtukû wa mûthenya ûcio, mûraika wa Mwathani nîwavingûrire mîrango ya njeera, akîmaruta kuo, na akîmeera atîrî,

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.