Ciîko 11:8 - ÎVUKU RÎA ÛVORO MWARO

⁸ Nwatî nie nînaugire atîrî, ‘Naarî Mwathani! Kîndû kîrî na mûgiro kana gîtarî kîtheru gîtianatonya kanyuarî gakwa.’

Ciîko 11:8 ပူးပေါင်းရင်းမြစ်များ

Hosea 9:3

Matigekara vûrûri wa Ngai-Mûnene; nwatî andû Efiraimu nîmagaacoka Misiri ûkomborî, nîmakaarîa irio itarî ntheru Asîria.

Alawi 10:10

Nwanginya mwîkîre ngûrani gatagatî ga kîndû kîrîa Kîammûrîre Ngai na kîrîa gîtarî Kîammûrîre Ngai, kîndû kîrîa kîrî mûgiro na kîrîa gîtarî mûgiro.

Alawi 11:47

Nwanginya mwîkîre ngûrani gatagatî ka indo irîa irî mûgiro na irîa itarî, gatagatî ka nyamû irîa ingîrîwa na irîa itangîrîwa.

Maariko 7:2

Nao nîmoonire arutwa amwe ake makîrîa irio na njara irî na mûgiro; ûguo nî ta kuga na njara itarî nthambie.

Ciîko 11:7

Nînaacokire ngîgua mûgambo ûkîmbîra atîrî, ‘Petero, Ûkîra; ûthînje na ûrîe!’

Ciîko 11:9

Naguo mûgambo kuuma îgûrû nîwambîrire rîngî atîrî, ‘Kîrîa Ngai atheretie we ndwagîrîrwe nî kuga kîrî na mûgiro.’

Aroma 14:14

Na nîûndû wa kwîthîrwa tûrî kîndû kîmwe na Mwathani Jesû, nîmenyete waro atî gûtirî irio ciîthagîrwa irî njûku cio mene. Nwatî mûndû ethîrwa nwa ecirie atî kûrî irio njûku, irio icio nî njûku tu kûrî mûndû ûcio.

1Akor 7:14

Nîûndû mûthuuri ûrîa ûtetîkîtie nîwîtîkagîrwa nî Ngai nîûndû wa kûnyitana na mûka. Nake mûndûmûka ûrîa ûtetîkîtie nîwîtîkagîrwa nî Ngai nîûndû wa kûnyitana na mûthuuriwe. Angîthîrwa ûguo tîguo kûrî, ciana cienyu itingîrî ntheru, nwatî ûrîa kûrî nî atî ciana icio nîciîtîkagîrwa nî Ngai.