Ciîko 11:6 - ÎVUKU RÎA ÛVORO MWARO

⁶ Na rîrîa naamîroririe waro ndaarî, nînoonire nyamû irîa cigagwa mîciî na ngîona nyamû irîa ciîkaraga kîthakarî. Nînoonire nyamû irîa irî nthakame ngiru mvevo, na iconi irîa ciûmbûkaga rîerarî.

Ciîko 11:6 ပူးပေါင်းရင်းမြစ်များ

Maariko 8:25

Jesû nîwaigîrîre mûndû ûcio njara metho rîngî. Nake mûndû ûcio nîwaroririe mûno na akîvota kwona indo cionthe waro.

Luka 4:20

Jesû nîwakunîkire îvuku na akîrînenganîra kûrî ndungata na agîcoka agîkara nthî. Nao andû onthe arîa maarî îvoerorî nîmaamûroririe na vinya.

Ciîko 10:12

Nakîo Kîamrî na nyamû cia mîthemba yonthe; nyamû irîa irî nthakame ngiru mvevo, na iconi irîa ciûmbûkaga rîerarî.

Ciîko 11:5

“Nie naarî îtûûrarî rîa Jopa. Na rîrîa naavoyaga, nînaagîre na kîoneki. Nînoonire kîndû gîkiuma îgûrû gîkariî ta cuka nene îkînyûrûrûkua kuuma îgûrû înyitîtwe mîthiia yayo îna. Nayo cuka îo nîyaûkire vakuvî mûno nanie.

Ciîko 11:7

Nînaacokire ngîgua mûgambo ûkîmbîra atîrî, ‘Petero, Ûkîra; ûthînje na ûrîe!’

Ciîko 3:4

Nao nîmaamûroririe na vinya mûno na Petero nîwamwîrire atîrî, “Ta tûrorie!”