Ciîko 11:30 - ÎVUKU RÎA ÛVORO MWARO

³⁰ Kwoguo nîmaarutire mbeca na makîinenganîra kûrî Baranaba na Saûlo nîguo maivire kûrî athuuri a kanitha.

Ciîko 11:30 ပူးပေါင်းရင်းမြစ်များ

Ciîko 12:1

Vîndî wa îo Mûthamaki Herode nîwambîrîrie kûnyariira andû amwe arîa maarî a kanitha.

Ciîko 12:25

Na rîrîa Baranaba na Saûlo maarîkirie wîra wao Jerusalemu, nîmaacokire Antiokia marî na Johana ûrîa na rîîtwa rîngî wetagwa Maariko.

Ciîko 14:23

Na wa kanitha wa kanitha nîmaamîthuurîre athuuri na njîra ya kûvoya na kwînyerekia. Athuuri acio nîmeevokete Mwathani, na kwoguo Paûlo na Baranaba nîmaamaigire njararî cia Mwathani.

Ciîko 15:2

Nao Paûlo na Baranaba nîmaakararanirie mûno na andû acio, na îgûrû rîgiî ûvoro ûcio. Kwoguo nîgwatuîkire atî Paûlo na Baranaba na etîkia amwe a Antiokia, nwa nginya matûmwe Jerusalemu nîguo mathiî maranîrie na atûmwa na athuuri îgûrû rîa ûvoro ûcio.

Ciîko 15:23

na makîmatûma, na maarûa îrîa yandîkîtwe atîrî: “Tue atûmwa na athuuri, ariû na aarî a îthe wetû nîtwamûkethia mue ariû na aarî a îthe wetû andû a ndûrîrî arîa mûrî Antiokia, Sîria na Cilicia.

Ciîko 15:4

Na rîrîa maakinyire Jerusalemu, nîmaagwatirwe ûgeni nî kanitha, atûmwa na athuuri. Nao Paûlo, Baranaba na andû acio engî nîmaavecanire ûvoro wîgiî maûndû monthe marîa Ngai eekîte kûvîtûkîra kûrî o.

Ciîko 15:6

Nao atûmwa na athuuri nîmaagomanire vamwe nîguo marîrîrie ûndû ûcio.

Ciîko 16:4

Paûlo na arîa maarî nake nîmaavîtîkîrîre matûûrarî magîkinyagîria etîkia matua marîa maathondeketwe nî atûmwa na athuuri arîa maarî Jerusalemu, na makîmeeraga mamavingagie.

Ciîko 20:17

Kuuma Mileto Paûlo nîwatûmanire Efeso akiuga atûngwe nî athuuri a kanitha.

Ciîko 21:18

Na mûthenya ûcio wîngî Paûlo nîwathiîcanirie natue kwa Jakuvu, na athuuri onthe a kanitha maarî kuo.

Ciîko 4:36

Kwarî na mûndû ûmwe Mûlawi waciarîrîtwe îtûûrarî rîa Kuporo. Mûndû ûcio eetagwa Josefu. Atûmwa maamûtuîrîrîte rîîtwa Baranaba (naguo nî kuga “Ke ûrîa ûmanagîrîria.”)

1Tim 4:14

Tûmîra kîveo Kîam roho kîrîa ûrî nakîo na waveerwe rîrîa arathi maaririe nao athuuri magîkwigîrîra njara.

1Tim 5:17

Athuuri a kanitha arîa matongoragia waro nîmagîrîrwe nî kûvewa mûcara mwaro, makîrîa arîa marutaga wîra na vinya wa kûvunjia na kûthomithia.

1Tim 5:19

Ndûgetîkîre mûthuuri wa kanitha athitangwe, tiga nwa vethîrîtwe varî aira aîrî kana athatû.

Tito 1:5

Tito, nie naagûtigire Kirete nîguo ûthondeke maûndû marîa maarî mavîtanu, na wa îtûûra, ûthuure athuuri a kanitha. Ririkana ûrîa naakwathire atî:

Jakuvu 5:14

Nî kûrî mûndû wana ûmwe gatagatîrî kenyu mûrûaru? Nîwagîrîrwe nîgwîta athuuri a kanitha. Nao nîmagîrîrwe nî kûmûvoera na kûmûvaka maguta na rîîtwa rîa Mwathani.

1Pet 5:1

Nie nîrî mûthuuri wa kanitha. Kûrî na ûndû ûmwe nîrenda kwîra athuuri arîa engî a kanitha methagîrwa gatagatîrî kenyu. Nîrî mûira wa mathîna marîa Kristû oonire, na nîngaagaîrwa riiri ûrîa ûkaaguûrua. Nîramûthaitha

2Joh 1:1

Nie mûthuuri nîrandîkîra mûndûmûka mûtîîe wa vamwe na ciana ciake arîa mendete mûno. Twa nie nienga nîmwendete, nwatî nîmwendetwe nî arîa onthe mecî ûma.

3Joh 1:1

Nie mûthuuri, nîrakwandîkîra we Gayo mûrata wakwa ûrîa mendete na ma.