Ciîko 11:26 - ÎVUKU RÎA ÛVORO MWARO

²⁶ Rîrîa aamwonire, nîwamûvirire Antiokia, na kwa îvinda rîa mwaka mûgima Saûlo na Baranaba nîmaatûnganire na andû a kanitha na makîthomithia andû gîkundi kînene. Antiokia nîkuo etîkia meetirwe Akristiano rîrî riita rî mbere.

Ciîko 11:26 ပူးပေါင်းရင်းမြစ်များ

Isaia 65:15

Andû akwa arîa nthuurîte magaatûmagîra rîîtwa rîenyu rîrîa makwenda mûnyitwe nî kîrumi. Makaaugaga atî: ‘Nie Mwathani Ngai-Mûnene nîngûmûraga.’ Nwatî nîngaava ndungata ciakwa rîîtwa rîcerû.

Mathaayo 28:19

Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru.

Johana 2:2

Wana Jesû na arutwa ake maarî eete ûvikirî ûcio.

Ciîko 1:15

Mîthenya mînini yavîtûka nîkwagîre na mûcemanio wa etîkia, na onthe maarî ta îgana na mîrongo îîrî. Nake Petero nîwarûngamire akîmeera atîrî,

Ciîko 11:20

Amwe gatagatîrî ka etîkia acio maarî andû a kuuma Kuporo na Kurene. Na rîrîa o maakinyire Antiokia, nîmaarîrie wana Angiriki na makîmavunjîria Ûvoro Mwaro wîgiî Mwathani Jesû.

Ciîko 11:22

Naguo kanitha wa Jerusalemu nîwegwire ûvoro wîgiî maûndû mau monthe, na kwoguo nîwatûmire Baranaba athiî Antiokia.

Ciîko 11:27

Vîndî wa îo arathi amwe nîmaanyûrûrûkire kûu Antiokia maumîte Jerusalemu.

Ciîko 11:29

Nao arutwa nîmaatwire marute mbeca kûringana na ûvoti wa mûndû wa mûndû nîguo matethie etîkia arîa maatûûraga Judea.

Ciîko 14:20

Nwatî vîndî îrîa etîkia maagomanire mamûrigicîrîtie, nîwaûkîrire na agîcoka agîtonya kûu îtûûrarî rîu. Na mûthenya ûcio warûmîrîrîte nîmaaumire kûu marî na Baranaba na makîthiî îtûûrarî rîa Deribe.

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Ciîko 14:23

Na wa kanitha wa kanitha nîmaamîthuurîre athuuri na njîra ya kûvoya na kwînyerekia. Athuuri acio nîmeevokete Mwathani, na kwoguo Paûlo na Baranaba nîmaamaigire njararî cia Mwathani.

Ciîko 14:27

Na rîrîa Paûlo na Baranaba maakinyire Antiokia, nîmaacokanîrîrie andû a kanitha vamwe, na makîmeera maûndû monthe marîa Ngai eekîte na njîra yao. Nîmaamerire wana ûrîa Ngai aavete andû a ndûrîrî kanya ga gwîtîkia.

Ciîko 14:28

Nao nîmeekarire kûu îvinda îraca marî na etîkia.

Ciîko 18:27

Na vîndî îo Apolo nîwatwire atî ke nîakûthiî Akaia. Kwoguo etîkia arîa maarî kûu Efeso nîmaamûmîrîrie na makîandîka maarûa kûrî etîkia arîa maarî Akaia makîmathaitha mamûnyite ûgeni. Na rîrîa Apolo aakinyire kuo, nîwatethirie arîa maatuîkîte etîkia mûno nîûndû wa wega wa Ngai.

Ciîko 19:9

Nwatî Ayahudi amwe nîmaaûmirie ngoro ciao makîrega gwîtîkia na magîcambîrîria Njîra ya Mwathani andû onthe makîgucaga. Kwoguo Paûlo nîwamatigire, agîoca arutwa makîthiî nao nyombarî ya kûthomithîria andû ya mûndû wetagwa Tairano. Na wa mûthenya wa mûthenya Paûlo nîwaranagîria na andû kuo

Ciîko 20:1

Na vîndî îrîa înegene rîathirire, Paûlo nîwetire arutwa vamwe. Nake arîkia kûmava ciugo cia kûmaûmîrîria, nîwamaugîre ûvoro na akîmatiga akîthiî Makedonia.

Ciîko 20:30

Wana nginya gatagatîrî kenyu nîgûkaumîra andû amwe makaaragia maveeni makîgeria kûgucîrîria arutwa nîguo mamarûmîrîre.

Ciîko 21:4

Rîrîa twacaririe arutwa kûu Turo na tûkîmona, nîtwekaranirie nao kuo mîthenya mûgwanja. Nao monetue nî Roho Mûtheru nîmeerire Paûlo ndakathiî îtûûrarî rîa Jerusalemu.

Ciîko 26:28

Nake Angiripa nîwerire Paûlo atîrî, “We ûreciria nîûkûndua Mûkristiano na kavinda gakuvî ûguo?”

Ciîko 6:1

Vuvarî arutwa nîmaathiîre na mbere kwongerereka. Nwatî vîndî wa îo, nîkwagîre na ngucanio gatagatîrî ka Ayahudi arîa maaragia Kîngiriki na Ayahudi arîa maaragia Kîhibirania. Ayahudi arîa maaragia Kîngiriki maaugaga atî aka ao a ndigwa nîmaatigagîrîrwa vîndî ya kûgaîrwa mbeca wa mûthenya wa mûthenya.

Ciîko 6:5

Nao etîkia onthe nîmaakenerere woni ûcio. Kwoguo nîmaathuurire Stefano, mûndû warî na wîtîkio mwîngî na wecûrîtwe nî Roho Mûtheru, na Filipu, na Prokoru, Nikanoru, Timoni, Paraminasi na Nikola, mûûrûrîrî ûrîa waumîte Antiokia na wagarûrûkîte agatuîka Mûyahudi.

Ciîko 9:19

na arîkia kûrîa irio agîcokwa nî vinya. Kwa îvinda rîa mîthenya mînini Saûlo nîwekaranirie na etîkia arîa maarî Damesiki.

Ciîko 9:38

Na nîûndû kûu Lîda kwarî gûkuvî na Jopa, etîkia arîa maarî Jopa megua atî Petero aarî Lîda nîmaatûmire andû aîrî mathiî mamûthaithe makîmwîraga atîrî, “Wenda tu ûka gwetû narua.”

1Akor 11:18

Ûndû wa mbere, nîmbîrîtwe atî kûrî ikundi itegucanaga mîcemaniorî yenyu. Nîmbîtîkîtie atî maûndû mamwe ma mau nîma ma.

1Akor 12:12

Kristû ethagîrwa ekariî ta mwîrî wa mûndû ûrîa ûrî na ciîga nyîngî, nwatî nî ûmwe tu. Wana ethîrwa ciîga icio nî nyîngî cionthe ithondekete mwîrî ûmwe tu.

1Akor 14:23

Î narîo ethîrwa kanitha yonthe nwa îcemanie vamwe na andû onthe mambîrîrie kwaria na nthiomi, na andû amwe matarî ataûkîre na matetîkîtie matonye kuo, na kinthî matingîciria atî mûrî agûrûki?

1Akor 4:17

Na kîu nîkîo kîratûma ndûme Timotheo kûrî mue. Ke nî mwana wakwa ûrîa mendete na nîmwîvokeku mûtûûrîrerî wake wa Ûkristiano. Nîakûmûririkania maûndû marîa nûmagîrîra mûtûûrîrerî wakwa mûcerû nîrî ûrûmwe na Jesû Kristû. Maûndû mau nîmo nthomithanagia makanitharî monthe marîa marî kûndû kuonthe.

Aefeso 3:15

na nîûndû wake mîciî yonthe ya îgûrû na ya nthî îthagîrwa îrî kuo na ma.

Jakuvu 2:7

Itonga icio nwacio ciaragia ûvoro mûcûku wîgiî rîîtwa rîaro rîrîa mwîtanîtue narîo.

1Pet 4:14

Kûrathimwa nî mue ethîrwa mûrumagwa nîûndû nîmûrûmagîrîra Kristû. Ûndû ûyû wonanagia atî Roho ûrîa ûrî riiri na nîke Roho wa Ngai, ekaraga namue.

1Pet 4:16

Nwatî ethîrwa mûrathînua nîûndû nîmûrûmagîrîra Kristû, mûtikegucage mûgîconoka nîûndû wa ûguo. Cokagiani ngatho kûrî Ngai nîûndû mûrî akristiano.

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.

Kûguû 3:18

Kwoguo nie nîragûtaara ûgûre thaavu kuumana nanie îrîa ntherie na mwaki nîguo ûtonge. Wana ûgûre nguo cia rangi njerû kuuma kûrî nie nîguo wîkîre na ûtige kwîgua nthoni cia kwonekana ûrî njaga, na ûgûre ndawa ya gwîkîra metho nîguo ûvote kwona.