Ciîko 11:20 - ÎVUKU RÎA ÛVORO MWARO

²⁰ Amwe gatagatîrî ka etîkia acio maarî andû a kuuma Kuporo na Kurene. Na rîrîa o maakinyire Antiokia, nîmaarîrie wana Angiriki na makîmavunjîria Ûvoro Mwaro wîgiî Mwathani Jesû.

Ciîko 11:20 ပူးပေါင်းရင်းမြစ်များ

Mathaayo 27:32

Marî njîrarî, nîmaatûnganire na mûndû waumîte Kurene wetagwa Simoni na makîmûringîrîria akuuîre Jesû Mûtharava.

Johana 7:35

Nao atongoria a Ayahudi nîmeeranire atîrî, “Ke arenda kûthiî kû kûu tue tûtakaamwona? Arenda kûthiî matûûrarî ma Angiriki kûrîa andû etû matûûraga nîguo akathomithie Angiriki?

Ciîko 11:19

Nao etîkia nîmaanyaganirie nîûndû wa kûnyariirwa kûrîa kwagîîre kuo vîndî îrîa Stefano aarîkirie kûûragwa. Amwe gatagatîrî kao nîmaathiîre nginya magîkinya Foenike, Kuporo na Antiokia. Nao maathiîre kûu kuonthe makîvunjagia ndûmîrîri kûrî Ayahudi onga.

Ciîko 11:22

Naguo kanitha wa Jerusalemu nîwegwire ûvoro wîgiî maûndû mau monthe, na kwoguo nîwatûmire Baranaba athiî Antiokia.

Ciîko 11:26

Rîrîa aamwonire, nîwamûvirire Antiokia, na kwa îvinda rîa mwaka mûgima Saûlo na Baranaba nîmaatûnganire na andû a kanitha na makîthomithia andû gîkundi kînene. Antiokia nîkuo etîkia meetirwe Akristiano rîrî riita rî mbere.

Ciîko 11:27

Vîndî wa îo arathi amwe nîmaanyûrûrûkire kûu Antiokia maumîte Jerusalemu.

Ciîko 13:1

Kanitharî wa Antiokia nîkwarî na arathi na arimû aya: Baranaba, Simioni (ûrîa wetagwa Mwirû), Lukio (wa kuuma Kurene), na Manaini (ûrîa wareranîrîtue vamwe na Herode ûrîa warî mûnene), na Saûlo.

Ciîko 14:26

Na kuuma kûu nîmaatwîre meri magîcoka Antiokia kûrîa etîkia mamaigîte wegarî wa Ngai nîûndû wa wîra ûcio maarîkîtie kûruta.

Ciîko 15:22

Kwoguo atûmwa, athuuri, na kanitha yonthe îrî vamwe, nîyatwire atî nîmakûthuura andû kuuma gatagatîrî kao nîguo mamatûme Antiokia marî na Paûlo na Baranaba. Nîmaathuurire andû aîrî arîa maatîîtwe mûno nî etîkia. Nao andû acio maarî Judasi ûrîa wetagwa Barasaba na Sailasi,

Ciîko 15:23

na makîmatûma, na maarûa îrîa yandîkîtwe atîrî: “Tue atûmwa na athuuri, ariû na aarî a îthe wetû nîtwamûkethia mue ariû na aarî a îthe wetû andû a ndûrîrî arîa mûrî Antiokia, Sîria na Cilicia.

Ciîko 15:30

Kwoguo anjaama acio nîmaaugîrwe ûvoro na makînyûrûrûka Antiokia kûrîa maacokanîrîrie gîkundi kîonthe Kîam etîkia vamwe, na makîmava maarûa îo.

Ciîko 17:18

Nao arimû amwe arîa meendete mûno ûûgî wa Epikurio na Sitoiki wa nao nîmaakararanirie nake. Amwe gatagatîrî kao nîmaaûririe atîrî, “Mûvûmbûtîki ûyû arageria kuga atîa?” Nao engî gatagatîrî kao nîmaaugire atîrî, “Ke aronekana takwa arî mûvunjia wa ngai ng'eni.” O maaugire ûguo nîûndû Paûlo nîwavunjagia ûvoro wîgiî Jesû na wîgiî kûriûka.

Ciîko 18:22

Na rîrîa Paûlo aakinyire Kaisarea, nîwathiîre Jerusalemu, agîkethia andû a kanitha, na agîcoka akîthiî Antiokia.

Ciîko 2:10

Furegia na Pamufilia, kuuma Misiri na kuuma vûrûri wa Lîbia kûrîa gûkuvî na Kurene. Amwe etû twî a kuuma Roma,

Ciîko 4:36

Kwarî na mûndû ûmwe Mûlawi waciarîrîtwe îtûûrarî rîa Kuporo. Mûndû ûcio eetagwa Josefu. Atûmwa maamûtuîrîrîte rîîtwa Baranaba (naguo nî kuga “Ke ûrîa ûmanagîrîria.”)

Ciîko 5:42

Na wa mûthenya wa mûthenya Atûmwa nîmaathiîcaga hekarûrî na mîciîrî ya andû, kûthomithania na kûvunjia Ûvoro Mwaro wîgiî Jesû ûrîa Mesaya.

Ciîko 6:1

Vuvarî arutwa nîmaathiîre na mbere kwongerereka. Nwatî vîndî wa îo, nîkwagîre na ngucanio gatagatîrî ka Ayahudi arîa maaragia Kîngiriki na Ayahudi arîa maaragia Kîhibirania. Ayahudi arîa maaragia Kîngiriki maaugaga atî aka ao a ndigwa nîmaatigagîrîrwa vîndî ya kûgaîrwa mbeca wa mûthenya wa mûthenya.

Ciîko 6:5

Nao etîkia onthe nîmaakenerere woni ûcio. Kwoguo nîmaathuurire Stefano, mûndû warî na wîtîkio mwîngî na wecûrîtwe nî Roho Mûtheru, na Filipu, na Prokoru, Nikanoru, Timoni, Paraminasi na Nikola, mûûrûrîrî ûrîa waumîte Antiokia na wagarûrûkîte agatuîka Mûyahudi.

Ciîko 6:9

Nwatî andû amwe arîa maarî a îvoero rîrîa rîtagwa (rîa andû oovore) nîmaambîrîrie gûkararania nake. Amwe maaumîte Kurene na Alekisandiria. Nao engî maaumîte Kilikia na Asia.

Ciîko 8:35

Nake Filipu nîwatumûrire kanyua na akîmûva Ûvoro Mwaro wîgiî Jesû Kristû, ambîrîrîtie na gîcunjî kîu Kîam mandîko matheru.

Ciîko 8:5

Filipu nîwathiîre îtûûrarî rîrîa rîarî rînene viû vûrûrirî wa Samaria na akîvunjîria andû arîa maarî kuo ûvoro wîgiî Mesaya.

Ciîko 9:20

Na vîndî wa îo ke nîwambîrîrie kûthiî mavoerorî. Nake nîwavunjirie kuo akiugaga atî Jesû nî Mûriû wa Ngai.

Ciîko 9:29

Mavinda meengî ke nîwaragia na agakararania na Ayahudi arîa maaragia Kîngiriki, nwatî nao nîmaageragia kûmûûraga.

1Akor 2:2

Nîûndû rîrîa naarî vamwe namue nînatuire ndikarie ûndû wîngî wa tiga tu ûvoro wîgiî Jesû Kristû na gûkua gwake mûtharavarî îgûrû.

Agal 2:11

Nwatî rîrîa Petero aûkire Antiokia, nînaareganire nake tûrî mbere ya etîkia onthe nîûndû nîwekîte naaî.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.