Ciîko 10:26 - ÎVUKU RÎA ÛVORO MWARO

²⁶ Nwatî Petero nîwamûtethererie kûrûngama na akîmwîra atîrî, “Rûngama; Wa nanie nîrî mûndû.”

Ciîko 10:26 ပူးပေါင်းရင်းမြစ်များ

Isaia 42:8

“Nie nînie Ngai-Mûnene rîu nîrîo rîîtwa rîakwa. Gûtirî wîngî ngaava riiri wakwa, kana mvecana ngumo yakwa kûrî mîvuanano ya kumua.

Isaia 48:13

Nînie navandire mûcingi wa nthî na njara ciakwa, na ngîtambûrûkia îgûrû. Rîrîa neta îgûrû na nthî, nîimbîtîkaga irî vamwe.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.