Ciîko 10:19 - ÎVUKU RÎA ÛVORO MWARO

¹⁹ Rîrîa Petero eeciragia ûvoro wîgiî kîoneki kîu, Roho nîwamwîrire atîrî, “Ta thikîrîria! Kûrî na andû athatû maûka gûgûcaria.

Ciîko 10:19 ပူးပေါင်းရင်းမြစ်များ

Johana 16:13

Rîrîa Roho ûrîa wonanagia ûvoro wa ma wa Ngai agaaûka, nîakaamûtongoria maûndûrî monthe ma ma. Ke ndakaaria maûndû na wathani, nwatî akaaria marîa egucaga na amwîre ûvoro wîgiî maûndû marîa magaaûka.

Ciîko 10:18

Nao nîmeetanire na makîûria atîrî, “Gûkû kûrî na mûndû ûnyitîtwe ûgeni wîtagwa Simoni Petero?”

Ciîko 10:3

Na mûthenya ûmwe kîndû ta thaa kenda cia mûthenya, Korinelio nîwagîre na kîoneki. Nake nîwonire mûraika wa Ngai waro. Mûraika ûcio nîwamumîrîre na akîmwîra atîrî, “Korinelio!”

Ciîko 11:12

Nake Roho nîwambîîrire nthiîcanie nao ndarî na nganja. Nîtwathiîcanirie na etîkia aya atandatû na tûgîtonya nyomba kwa Korinelio.

Ciîko 13:2

Na rîrîa maagoocaga Mwathani na makîînyerekagia, Roho Mûtheru nîwamerire atîrî, “Nthurîrani Baranaba na Saûlo, nîguo makarute wîra ûrîa nie nîmetîrîte.”

Ciîko 15:7

Na Vuva wa kwarîrîria ûndû ûcio kwa îvinda îraca, Petero nîwamerire atîrî, “Ariû na aarî a îthe wetû, mue nîmwîcî atî vingo ya tene Ngai nîwanthuurire kuuma gatagatîrî kenyu, nîguo mvunjie Ûvoro Mwaro kûrî andû a ndûrîrî. Nao nîmegwire Ûvoro Mwaro kuuma kûrî nie na magîtîkia.

Ciîko 21:4

Rîrîa twacaririe arutwa kûu Turo na tûkîmona, nîtwekaranirie nao kuo mîthenya mûgwanja. Nao monetue nî Roho Mûtheru nîmeerire Paûlo ndakathiî îtûûrarî rîa Jerusalemu.

Ciîko 8:29

Nake Roho Mûtheru nîwerire Filipu atîrî, “Thiî vakuvî na ûgendanie na gîkaari kîu kîgucîtue nî mbarathi.”

1Akor 12:11

Wîra ûcio wonthe ûrutagwa nî Roho ûcio ûmwe. Kûringana na wendi wake, Roho nîavecanaga iveo ngûrani kûrî wa mûndû.

1Tim 4:1

Roho Mûtheru nîaugaga waro atî mîthenya ya kûrigîrîria andû nîmakaarega gwîtîkia; nîmakaathîkîra maroho ma maveeni na marûmîrîre maûndû marîa mathomithanagua nî ndaimono.