Ciîko 10:11 - ÎVUKU RÎA ÛVORO MWARO

¹¹ Nîwonire îgûrû rîvingûkîte na kîndû gîkiuma îgûrû gîkariî ta cuka nene îkînyûrûrûkua nthî înyitîtwe mîthiia yayo îna.

Ciîko 10:11 ပူးပေါင်းရင်းမြစ်များ

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Isaia 43:6

Nîngera mwena wa rûgûrû, ‘Marekererie mathiî,’ naguo mwena wa îveti nîwîre, ‘Ndûkamavingîrîrie.’ Cokiani andû akwa kuuma mavûrûri ma kûraca, na mûrete erîtu akwa kuuma mîthiia ya nthî.

Isaia 56:8

Nie Mwathani Ngai mwene vinya wonthe, nînie nacokanîrîrie andû akwa, Aisiraeli kuuma îthamîriorî. Nîngaacokanîrîria andû arîa engî mathiî maûngane vamwe nao.

Ezek 1:1

Mûthenya wa gatano mweri wa kana mwaka wa mîrongo îthatû, nie mûthînjîri-Ngai Ezekieli mûvîcî wa Buzi, twatûûraga vamwe na Ayahudi arîa maarî îthamîriorî kûu Babuloni rûtererî rwa rûnjî rwa Kebari. Nîrî kûu nînonire îtu rîavingûka na ngîona kîoneki Kîam Ngai.

Mathaayo 8:11

Nîramwîra na ma atî andû eengî nîmagaaûka maumîte mwena wa îrathîro na wa îthûîro, nîmagekara nthî na marîcanîre na Iburahimu, Isaka na Jakovu, ûthamakirî wa îgûrû.

Luka 3:21

Rîrîa andû onthe maarîkirie kûvatithua, Jesû nîwacokire akîvatithua. Na vîndî îrîa avoyaga Ngai, îgûrû nîrîavingûkire

Johana 1:51

Jesû nîwacokire akîmeera atîrî, “Nîramwîra ûvoro wa ma atî: nîmûkoona îgûrû rîkîvingûka nao araika a Ngai makiunûkia na makînyûrûrûka îgûrû rîa Mûrû wa Mûndû.”

Johana 11:52

na ciana cia Ngai irîa inyagarûkîte kûndû kuonthe, nîguo aicokanîrîrie vamwe na aitue kîndû kîmwe.

Johana 12:32

Rîrîa ngaavirwa îgûrû nyume gûkû nthî, nîngaagucîrîria andû onthe kûrî nie.”

Ciîko 10:12

Nakîo Kîamrî na nyamû cia mîthemba yonthe; nyamû irîa irî nthakame ngiru mvevo, na iconi irîa ciûmbûkaga rîerarî.

Ciîko 11:5

“Nie naarî îtûûrarî rîa Jopa. Na rîrîa naavoyaga, nînaagîre na kîoneki. Nînoonire kîndû gîkiuma îgûrû gîkariî ta cuka nene îkînyûrûrûkua kuuma îgûrû înyitîtwe mîthiia yayo îna. Nayo cuka îo nîyaûkire vakuvî mûno nanie.

Ciîko 7:56

Nake nîwaugire atîrî, “Ta roriani! Nie nînîrona îgûrû rîvingûkîte na Mûrû wa Mûndû arûngamîte mwena wa ûrîo wa Ngai!”

Aroma 1:16

Nie ndiconokaga nî Ûvoro Mwaro nîûndû nîguo vinya wa Ngai wa kûvonokia arîa onthe metîkîtie mbere Ayahudi na vuva andû a Ndûrîrî.

Aroma 9:4

Andû acio nî Aisiraeli na nîo Ngai aatuire ciana ciake na akîmaguûrîria riiri wake. Ke nîwathondekire irîkanîro nao na akîmava watho. Andû acio nîmamenyete kûgooca Ngai nama na nîmamûkîrîte ciîranîro ciake.

Agal 2:15

Nama tue tûrî Ayahudi, na tûtirî andû a ndûrîrî arîa evia.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Aefeso 1:10

Mûvango ûrîa Ngai akaavingia kavinda karîa kagîrîru gakinya, nî wa gûcokanîrîria indo cionthe irîa irî îgûrû na irî nthî, na Kristû ethîrwe arî ta ke kîongo.

Aefeso 3:6

Nayo nthitho nî atî na njîra ya ûvoro mwaro, andû a Ndûrîrî nî ciîga cia mwîrî ûmwe na nîmanyitaga kîrîa Ngai eeranîre na njîra ya Jesû Kristû.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

Kûguû 11:19

Nayo hekarû ya Ngai îrîa îrî kûu îgûrû nîyavingûrirwe, na îthandûkû rîa kîrîkanîro rîkîonekana kuo. Nakuo nîgwacokire gûkîgîa na mveni, mîgambo na mîrurumo ya ngwa, kîthingithia na mbura nene ya mbembe.

Kûguû 19:11

Nînacokire ngîona îgûrû rîvingûkîte na kûrî na mbarathi ya rangi njerû. Ûrîa wathiîte amîkarîrîte etagwa Mwîvokeku na wa Ma. Na ûrîa atucanagîra ciira na akarûa mbaara na njîra ya kîvooto.

Kûguû 4:1

Vuva wa ûguo nie nînagîre na kîoneki kîngî, nînoonire mûrango ûrî mûvingûre kûu îgûrû. Naguo mûgambo wa ûrîa neguîte ûkîmbarîria na mûgambo ta wa karumbeta, nîwambîrire atîrî, “Unûkia ûûke ava, nanie nîngûkwonia maûndû marîa mageekîka vuvarî.”