Ciîko 1:7 - ÎVUKU RÎA ÛVORO MWARO

⁷ Nake Jesû nîwamerire atîrî, “Tî ûvoro wenyu kûmenya ciathî na mavinda irîa Vava atuîte ke mwene na wathani wake.

Ciîko 1:7 ပူးပေါင်းရင်းမြစ်များ

Ayubu 24:1

Ngai mwene vinya wonthe aregaga kwiga mavinda ma gûtucanîra ciira nîkî? Arîa mamwîcî maregaga kwona agîtuîra evia nîkî?

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Mathaayo 20:23

Nake Jesû nîwamerire atîrî, “Nama mue nîmûkûnyuîra gîkomberî gîakwa, nwatî nie ndirî na ûvoti wa gûtua nû ûgeekarîra gîtî mwena wakwa wa ûrîo kana wa ûmotho. Itî icio nî cia arîa Vava avarîrîtie.”

Mathaayo 24:36

“Gûtirî mûndû wîcî rîrîa mûthenya ûcio na îthaa rîu rîgaakinya. Araika arîa marî îgûrû wana nginya mûriû matiîcî. Vava tu nîke wîcî.

Maariko 10:40

nwatî ndirî na ûvoti wa gûtua nî ûrîkû ûgeekara mwena wakwa wa ûrîo kana wa ûmotho. Ngai nîke ûkaavecana itî icio kûrî andû arîa aigîrîte.”

Maariko 13:32

“Gûtirî mûndû wîcî mûthenya ûcio kana îthaa rîu rîgaakinya rî. Araika arîa marî îgûrû wana nginya Mûriû matiîcî, nwatî Ngai tu nîke wîcî.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Ciîko 17:26

Ngai aambîrîrie na kûmba mûndû ûmwe, na kuuma kûrî mûndû ûcio gûgîûka ndûrîrî cionthe cia andû ngûrani arîa matûûraga kûndû kuonthe gûkû nthî. Ngai nîke watwire wa mbererî nîrî, na nîkû o magîrîrwe nî gûtûûra.

Aefeso 1:10

Mûvango ûrîa Ngai akaavingia kavinda karîa kagîrîru gakinya, nî wa gûcokanîrîria indo cionthe irîa irî îgûrû na irî nthî, na Kristû ethîrwe arî ta ke kîongo.

Gûco 29:29

“Maûndû ma nthitho nî ma Ngai-Mûnene Ngai wetû, nwatî maûndû marîa aguûranîrîtie nî metû vamwe na njiarwa cietû, nîguo tûtûûre tûvingagia mawatho make monthe tene na tene.”

1Tim 6:15

Gûka gwake nîgûkoonanua vîndî îrîa yagîrîrîte yakinya. Gûkoonanua nî Ngai ûrîa Mûrathime, Mûthamaki wa athamaki na Mwathani wa athani.

2Tim 3:1

Nîrenda ûmenye atî mîthenya ya kûrigîrîria nî gûkaagîa na mavinda maûmû.