Ciîko 1:26 - ÎVUKU RÎA ÛVORO MWARO

²⁶ Nao nîmaaikirie mîtî nîguo mathuure ûmwe gatagatîrî kao. Nake Mathiia akîthuurwa na agîcoka agîtaranîrua na atûmwa arîa engî îkûmi na ûmwe.

Ciîko 1:26 ပူးပေါင်းရင်းမြစ်များ

1Maû 24:5

Andû maathuuragwa na njîra ya gwikîrua mîtî nîûndû kwarî na anene a hekarû na atongoria a maûndû ma Ngai kuuma njiarwarî cia Eleazaru na Ethamaru.

Nehemia 10:34

Tue, athînjîri-Ngai, Alawi, na andû acio engî, tûgaikagia mîtî wa mwaka nîguo tûmenye mavinda marîa wa mbarî îkaaretaga ngû na matega ma kûvîvua metharî ya kîgongoona ya Ngai-Mûnene, Ngai wetû, wata ûrîa kwandîkîtwe Wathorî.

Nehemia 11:1

Atongoria a andû a Isiraeli maatûûraga Jerusalemu. Nao andû acio engî nîmaaikirie mîtî nîguo mathuure mbarî îmwe gatagatî ka mbarî îkûmi arîa maarî mathiî gûtûûra Jerusalemu îtûûra rîtheru, nacio mbarî kenda itigwe matûûrarî mau mengî.

Nthi 16:22

Ûûgî nî kîthima Kîam mwoyo kûrî mûndû ûrîa ûrî naguo, nwatî andû arîa aritu maverithagua nî ûrimû wao.

Nthi 16:33

Andû maikagia mîtî nîguo mamenye ûrîa gûgaatuîkîka, nwatî Ngai-Mûnene nîke ûtucaga ûrîa gûgaatuîkîka.

Alawi 16:8

Arî vau, nîagaaikia mîtî agîtûmagîra tûthiga twîrî, kathiga kamwe kandîkîtwe ‘Ngai-Mûnene’ nako kau kengî kandîkîtwe ‘Azazeli’.

Jona 1:7

Amenyereri a meri nîmeeranire atîrî, “Tigani twikie mîtî nîguo tûmenye tûrona thîna ûyû nîûndû wa mavîtia ma û.” Kwoguo nîmaaikirie mîtî, na mûtî ûkîgwîrîra Jona.

Maariko 6:30

Vuva wa ûguo atûmwa nîmaacokire kûrî Jesû na makîmwîra maûndû monthe marîa meekîte, wana marîa maathomithanîtie.

Ciîko 1:23

Nao nîmaagwetire andû aîrî, Josefu ûrîa wetagwa Barasaba (na nîwecîkene na rîîtwa rîngî Jusito) na Mathiia.

Ciîko 13:19

Ngai nîwathiririe ndûrîrî mûgwanja irîa ciarî vûrûrirî wa Kanaani na akîvecana vûrûri ûcio kûrî andû ake.

Ciîko 2:14

Nake Petero marî vamwe na atûmwa arîa engî îkûmi na ûmwe nîwarûngamire na akîîra kîrîndî na mûgambo mûnene atîrî, “Mue andû aya tûtûûraga namue gûkû Judea, wa namue muonthe mûtûûraga Jerusalemu, ta nthikîrîriani. Tigani nîmwîre ûrîa kûrî.

Josh 14:2

Musa nîwathîtwe nî Ngai-Mûnene atî vûrûri ûyû ûkaagaanua na njîra ya kûthîrwa. Naguo nîwagaîrwe mîvîrîga kenda na nuthu ya andû a Isiraeli.

Josh 18:10

Joshua nîwaûririe ûtaari kûrî Ngai-Mûnene nîûndû wao. Nîwacokire akîgaîra mîvîrîga îrîa yatigarîte îtarî mîgaîre vûrûri wao, wa mûvîrîga gîcunjî Kîamguo.

Kûguû 21:14

Rûthingo rwa îtûûra rîu înene rîa Jerusalemu rwatumîtwe îgûrû rîa mathiga îkûmi na maîrî ma mûcingi. Namo marîîtwa ma atûmwa îkûmi na aîrî a Gatûrûme nîmandîkîtwe mathigarî mau, wa rîîtwa îthigarî rîarîo.