Ciîko 1:16 - ÎVUKU RÎA ÛVORO MWARO

¹⁶ “Ariû na aarî a îthe wetû mue mwîtîkîtie Ngai, Mandîko marîa matheru nwanginya maarî mavingue marîa Roho Mûtheru aaririe na kanyua ka Daudi rîrîa aarathire ûvoro wîgiî Judasi. Judasi nîke watongoretie arîa maanyitire Jesû.

Ciîko 1:16 ပူးပေါင်းရင်းမြစ်များ

2Sam 23:2

Roho wa Ngai-Mûnene nî araria na njîra yakwa; ndûmîrîri yake îrî kanyuarî gakwa.

2Atha 15:12

Ûguo nîguo kîîranîro Kîamvingire kîrîa Ngai-Mûnene eerîre Jehu rîrîa aamwîrire atîrî, “Njiarwa ciaku nîigekarîra gîtî Kîam ûthamaki Kîam Isiraeli nginya rûciaro rwa kana.”

Thaburi 41:9

Wana mûrata wakwa ûrîa mûnene na ûrîa nevokete mûno, ûrîa twarîcanagîra irio nake, nîangarûrûkîte.

Mathaayo 26:14

Nake mûrutwa ûmwe wa arîa îkûmi na aîrî wetagwa Judasi Mûsikariota, nîwathiîre kûrî anene a athînjîri-Ngai

Mathaayo 26:47

Rîrîa Jesû aaragia, Judasi ûrîa warî ûmwe wa arutwa arîa îkûmi na aîrî nîwakinyire. Aakinyire marî na andû eengî makuuîte mviû na njokoma. Nao maatûmîtwe nî anene a athînjîri-Ngai na athuuri.

Mathaayo 26:54

Nwatî nwa nginya gwîkîke ûguo, nîguo Mandîko Matheru mavingue, wata ûrîa maugîte?”

Mathaayo 26:56

Nwatî maûndû mama mekîka nîguo maûndû marîa maarîtue nî arathi mandîkorî marîa matheru mavinge.” Nao arutwa ake onthe nîmaaûrire makîmûtiganîria.

Maariko 12:36

Daudi nîwavotithirue nî Roho Mûtheru kuga atî: ‘Ngai-Mûnene nîwerire Mwathani wakwa atîrî: Îkara nthî mwena wakwa wa njara ya ûrîo, nginya rîrîa ngaatûma ûthige nthû ciaku na magûrû maku.’

Maariko 14:43

Rîrîa Jesû aaragia, Judasi ûrîa warî ûmwe wa arutwa arîa îkûmi na aîrî, nîwakinyire. Judasi aakinyire marî na andû makuuîte mviû cia njûra na njokoma. Nao maatûmîtwe nî anene a athînjîri-Ngai, arimû a watho na athuuri.

Luka 22:47

Rîrîa Jesû aaragia andû eengî nîmaakinyire matongoreretue nî mûndû wetagwa Judasi ûrîa warî ûmwe wa arutwa arîa îkûmi na aîrî. Judasi nîwakuvîvîrie Jesû nîguo amûmumunye.

Johana 10:35

Tue nîtuicî atî mandîko matheru maugaga ûma vîndî cionthe. Nake Ngai nîwetire andû acio maavunjîrue ndûmîrîri îo yake ngai cia mîvuanano.

Johana 13:18

“Nie ndiraria ûvoro ûmwîgiî muonthe. Nîmbîcî nî andû arîkû nthuurîte. Nwatî nwa nginya mandîko matheru mavinge marîa maugîte atî, ‘Mûndû ûrîa twarîcanîre mûgate nake nîke wacokire kûngarûrûka.’

Johana 17:12

Rîrîa naarî vamwe nao, nînaamamenyererete na vinya wa rîîtwa rîaku rîrîa wamvere. Nînaamagitîre na gûtirî mûndû wana ûmwe gatagatîrî kao waûrire tiga ûrîa warî wa kûûra nîguo mandîko matheru mavingue.

Johana 19:36

Maûndû mama monthe meekîkire nîguo mandîko matheru mavinge marîa maugîte atî: “Gûtirî îvîndî rîake wana rîmwe rîkaaunangwa.”

Ciîko 1:20

“Nîûndû îvukuurî rîa Thaburi rîandîkîtwe atîrî; ‘Nyomba yake îrotigwa îrî ntheri, na gûtirî mûndû ûgûtûûra kuo.’ Nîkwandîkîtwe rîngî atîrî, ‘Mûndû wîngî nî oce wîra wake.’

Ciîko 13:15

Na rîrîa icunjî kuuma Wathorî wa Musa na mandîkorî ma arathi ciarîkirie kûthomwa, atongoria a îvoero nîmaatûmanire Paûlo na Baranaba meerwe atîrî, “Ariû a îthe wetû, ethîrwa mue mûrî na ciugo mûngîûmîrîria andû aya nacio, maarîrieni.”

Ciîko 13:38

Ariû na aarî a îthe wetû, tue tûrenda mûmenye atî tûramûvunjîria ûvoro wîgiî kwoverwa mevia na njîra ya mûndû ûyû.

Ciîko 15:13

Na rîrîa o maarîkirie kwaria, Jakuvu nîwaugire atîrî: “Tanthikîrîriani mue aariû-na-aarî-a-Îthe-wetû!

Ciîko 15:7

Na Vuva wa kwarîrîria ûndû ûcio kwa îvinda îraca, Petero nîwamerire atîrî, “Ariû na aarî a îthe wetû, mue nîmwîcî atî vingo ya tene Ngai nîwanthuurire kuuma gatagatîrî kenyu, nîguo mvunjie Ûvoro Mwaro kûrî andû a ndûrîrî. Nao nîmegwire Ûvoro Mwaro kuuma kûrî nie na magîtîkia.

Ciîko 2:23

Kûringana na mûvango wake ke mwene, Ngai nîwatuîte atî Jesû nîakanenganîrwa kûrî mue. Namue nîmwamûragire na njîra ya gwîtîkîria evia mamwambe mûtharavarî îgûrû.

Ciîko 2:37

Rîrîa andû acio meegwire ûguo, nîmaathînîkire mûno na makîûria Petero na atûmwa acio engî atîrî, “Ariû na aarî a Îthe wetû, tue rîu nîtwîka atîa?”

Ciîko 22:1

“Mue ariû a îthe wetû na aa vava, rîu tanthikîrîriani ngîîtetera nîrî ava mbere yenyu!”

Ciîko 23:1

Paûlo nîwaroririe athuuri a Kîamma araûkîtie mûno na akiuga atîrî, “Ariû na aarî a îthe wetû, methorî ma Ngai nie nîndûûrîte nîrî na thamiri ntheru nginya mûthenya ûyû wa ûmûnthî.”

Ciîko 23:6

Nwatî vîndî îrîa Paûlo aamenyire atî andû amwe arîa maarî Kîammarî kîu maarî Asadukai na engî maarî Afarisai nîwaugîrîrie atîrî, “Arîu na aarî a îthe wetû, nie nîrî Mûfarisai na aciari akwa maarî Afarisai. Nîrî ava ngîcirithua nîûndû wa mwîrîgîrîro ûrîa nîrî naguo atî akuû nîmakaariûka!”

Ciîko 28:17

Vuva wa mîthenya îthatû Paûlo nîwetire atongoria a Ayahudi vamwe. Na rîrîa maacemanirie nîwamerire atîrî, “Ariû na aarî a îthe wetû, ndianeka ûndû wana ûmwe ûreganîte na andû etû wana kana mîtugo îrîa twakinyîrue nî methe metû ma tene. Nwatî nînaanyitirwe na ngîvingîrwa njeera nîrî Jerusalemu na ngînenganîrwa kûrî Aaroma.

Ciîko 28:25

Kwoguo nîmaakararanirie na makîambîrîria kuuma kûu rîrîa Paûlo aarîkirie kûmeera ûndû ûyû ûmwe: “Roho Mûtheru nîwavere methe menyu ma tene ûvoro wa ma na njîra ya mûrathi Isaia,

Ciîko 7:2

Nake Stefano nîwamûcokerie atîrî, “Ariû a Îthe wetû na aa vava, tanthikîrîriani! Vîndî îrîa Iburahimu, îthe wa methe metû ma tene, ataarî mûthiîu gûtûûra Harani, Ngai mwene riiri nîwamumîrîre arî Mesopotamia,

1Pet 1:11

Roho wa Kristû aarî ndaarî ya Arathi rîrîa maarathaga ûvoro wîgiî kûthînua gwa Kristû, na riiri ûrîa ûgaacoka kûrûmîrîra mathîna mau. Arathi nîmaageragia kûmenya ûvoro wîgiî maûndû marîa Roho aamoonagia rîrîa magaatuîkîka na ûrîa gûkeethîrwa gwîkariî maûndû mau magîtuîkîka.

2Pet 1:21

Nîûndû gûtirî ûrathi wanaumana na wendi wa mûndû, nwatî andû managîrîra ndûmîrîri kuuma kûrî Ngai matongoretue nî Roho Mûtheru.

2Pet 2:21

Wana nî kava matangîamenyete njîra ya ûthingu, gûkîra kûmîmenya na magacoka makavuvatîra maathani matheru marîa maaverwe.