Ciîko 1:11 - ÎVUKU RÎA ÛVORO MWARO

¹¹ Nao arûme acio nîmaamerire atîrî, “Mue andû a Galili, mûrûngamîte mûroretie îgûrû nîkî? Jesû ûcio wauma kûrî mue avirwa îgûrû nîagaacoka rîngî wata ûguo mwona akîthiî îgûrû.”

Ciîko 1:11 ပူးပေါင်းရင်းမြစ်များ

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Mathaayo 16:28

Nîramwîra nama atî kûrî na andû amwe marûngamîte ava matagaakua mbere ya moona Mûrû wa Mûndû agîûka arî Mûthamaki.”

Mathaayo 24:30

Nakîo kîmenyithia gîa gûka kwa Mûrû wa Mûndû nîgîkeyumîria matuurî. Nao andû onthe a nthî nîmakaarîra moona Mûrû wa Mûndû agîûka arî ndaarî ya matu ma îgûrû, arî na vinya na riiri mwîngî.

Mathaayo 25:31

“Vîndî îrîa Mûrû wa Mûndû agaacoka arî Mûthamaki, na arî na araika ake onthe, nîagekarîra gîtî gîake Kîam ûthamaki.

Maariko 13:26

Nake Mûrû wa Mûndû nîakoonekana agîûka arî matuurî, na arî na vinya nyîngî na riiri.

Maariko 14:70

Nwatî Petero nîwakaanire rîngî. Na kavinda kanini kavîtûka, andû arîa maarûngamîte vo nîmeerire Petero atîrî, “We nwa nginya wîthîrwe wî ûmwe wa arîa mararî nake nîûndû wî Mûgalili.”

Maariko 16:19

Rîrîa Mwathani Jesû aarîkirie kûmarîria, nîwambatirue îgûrû na agîkara mwena wa ûrîo wa Ngai.

Luka 21:27

Nake Mûrû wa Mûndû nîagaacoka onekane agîûka arî îtuurî na arî na vinya na riiri.

Luka 24:5

Nao aka acio nîmaavavûkire na makînamia mothiû mao nthî. Nao arûme acio nîmaamerire atîrî, “Nîndûî kîratûma mûcarie mûndû ûrî mwoyo gatagatîrî ka arîa akuû?

Johana 14:3

Na narîkia kûthiî kûmûvarîrîria vandû, nîngûcoka nîmwîcîre nîguo mue mwîthagîrwe mûrî varîa nie nîrî.

Ciîko 1:2

nginya rîrîa aavirirwe îgûrû. Mbere ya avirwa îgûrû, nîwavere andû arîa aathuurîte matuîke atûmwa ake kîrîra. Nake eekire ûguo avotithîtue nî Roho Mûtheru.

Ciîko 1:22

kuuma vîndî îrîa Johana aavatithanagia nginya rîrîa Mwathani Jesû aavirirwe îgûrû, nwanginya athuurwe atonye gîkundirî gîetû. Mûndû ûcio nwanginya atuîke mûira vamwe natue wa ûvoro wa kûriûka kwa Jesû.”

Ciîko 1:9

Nake Jesû arîkia kuga ûguo, nîwavirirwe îgûrû wa mamûroretie na îtu rîkîmûkunîka magîtiga kûmwona.

Ciîko 13:31

Na kwa îvinda rîa mîthenya mîîngî Jesû nîwaumîrîre arîa maambatanîtie nake kuuma Galili kûthiî Jerusalemu. O rîu nî aira ake kûrî andû a Isiraeli.

Ciîko 2:7

Nîmaamakire mûno nginya makiugîrîria atîrî, “Anga aya onthe makwaria ûû tî a Galili!

Ciîko 3:12

Rîrîa Petero oonire andû acio, nîwamerire atîrî: “Mue andû etû a Isiraeli, ûndû ûyû ûmûmakîtie nîkî? Mûtûroretie na vinya ûguo nîkî? Nîkwa mûreciria atî nî vinya kana ûngai wetû ûtûmire mûndû ûyû athiî na magûrû?

Ciîko 3:21

Nwatî Jesû nwa nginya ekare îgûrû nginya rîrîa kavinda gagaakinya ka maûndû monthe gûtuîka macerû. Kavinda kau nîko Ngai ke aaririe kuuma tene na njîra ya tûnyua twa arathi ake atheru.

1Ath 1:10

Namue nîmwetererete Mûriû wake Jesû ûrîa ûgaaûka aumîte îgûrû na nîke wariûkirue. Ke nîke ûtûvonokagia kuuma kûrî marakara ma Ngai marîa magûka.

1Ath 4:16

Nîûndû Mwathani nîakaanyûrûka kuuma îgûrû Kîamthanaga augîrîrîtie na mûgambo wa mûraika ûrîa mûnene na karumbeta ka Ngai. Vîndî îo, arîa makeethîrwa maakuire metîkîtie Kristû nîo makamba kûriûka.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.

Kûguû 1:7

Taroria, ke nî aûkîte arî matuurî! Andû onthe nîmakaamwona, wana arîa maamûmundire. Andû onthe a nthî nîmakaarîra maugîrîrîtie nîûndû wake. Ûguo nîguo gûgaatuîka. Ameni!