Ciîko 1:10 - ÎVUKU RÎA ÛVORO MWARO

¹⁰ Rîrîa maaroretie îgûrû akiunûkia arûme aîrî nîmaarûngamire rwarurî rwao mekîrîte nguo cia rangi njerû.

Ciîko 1:10 ပူးပေါင်းရင်းမြစ်များ

2Atha 2:10

Elija nîwamwîrire atîrî, “Nîwavoya ûndû mûrito.” Nwatî nîûkûgwata îgai rîu ethîrwa nîûkûmona ngîthengutua kûrî we; nwatî ethîrwa tî ûmona, tîûvewa mo.

Danieli 7:9

“Ndoretie wa ûguo, nînoonire itî cia ûthamaki ikigwa vandû va cio. Nake ûrîa wîthîrîtwe atûûrîte tene na tene nîwekarîre gîtî kîmwe. Nguo ciake ciacerûvîte ta îra, nacio njuîrî ciake cia kîongo ciacerûvîte ta guoya wa ng'ondu. Gîtî gîake Kîam ûthamaki Kîamrî na nthugû ciavenagia ta nînîmbî cia mwaki.

Mathaayo 17:2

Nake Jesû nîwagarûrûkire ûrîa oonekaga ekariî wa mamûroretie. Ûthiû wake wavenagia ta riûa, na cio nguo ciake ciacerûvîte cûa.

Mathaayo 28:3

Mûraika ûcio aakengaga ta rûveni, nacio nguo ciake ciacerûvîte ta îra.

Maariko 16:5

Na rîrîa maatonyire mbîrîrarî, nîmamakire mûno moona mwanake ekarîte nthî mwena wa ûrîo na ekîrîte nguo ndaca ya rangi îno njerû.

Luka 24:4

Rîrîa maarûngamîte kûu ndarî marigarîtue nî ndeto îo, arûme aîrî arîa meekîrîte nguo ciakengaga mûno, nîmaamaumîrîre wa rîmwe na makîrûngama rwarurî rwao.

Johana 20:12

nîwonire araika aîrî mekîrîte nguo cia rangi îno njerû. Nao meekarîte varîa mwîrî wa Jesû wethîrîtwe ûrî. Ûmwe eekarîte mwena ûrîa kîongo Kîamrî, na ûcio wîngî agekara mwena ûrîa magûrû maarî.

Ciîko 10:3

Na mûthenya ûmwe kîndû ta thaa kenda cia mûthenya, Korinelio nîwagîre na kîoneki. Nake nîwonire mûraika wa Ngai waro. Mûraika ûcio nîwamumîrîre na akîmwîra atîrî, “Korinelio!”

Ciîko 10:30

Nake Korinelio nîwaugire atîrî, “Mîthenya îna mîthiru, nie nînavoyaga nîrî gwakwa nyomba mathaa ta mama thaa kenda cia mûthenya. Na wa rîmwe mûndû wekîrîte nguo yakengaga nîwarûngamire mbere yakwa,

Kûguû 3:4

Nwatî kûrî na andû anini gatagatîrî kenyu kûu Saridi maigîte nguo ciao irî ntheru. Andû acio nîmakaathiîcania nanie mekîrîte nguo cia rangi njerû, nîûndû o nî agîrîru.

Kûguû 7:14

Nanie nînamûcokerie atîrî, “Mwathani, nie ndiîcî, we nîwe wîcî.” Nake nîwambîrire atîrî, “Andû aya nîo marîkîtie kûvîtûkîra mathînarî meengî. Nao nîmathambîtie nguo ciao na nthakame ya Gatûrûme igatuîka cia rangi njerû.