Ciîko 1:1 - ÎVUKU RÎA ÛVORO MWARO

¹ 1 Kûrî Theofilo: Îvukuurî rîakwa rîa mbere nînaandîkire maûndû monthe marîa Jesû eekire na aathomithanirie kuuma vîndî îrîa aambîrîrie wîra wake,

Ciîko 1:1 ပူးပေါင်းရင်းမြစ်များ

Mathaayo 11:5

Atumumu nîmarona, ithua nîirathiî, andû arîa marwarîte mûrimû wa ngothi nîmaratherua, îtegua nîiregua, arîa akuû nîmarariûkua, nao athîni nîmaravunjîrua Ûvoro Mwaro.

Luka 1:24

Nayo mîthenya mînini yavîtûka, mûka Elizabethi nîwagîre îvu. Elizabethi nîwekarire ethithîte îvinda rîa mîeri îtano na akaugaga atîrî,

Luka 1:3

Kwoguo Theofilo, nie nîrona kwagîrîrîte ngwandîkîre na njîra mbaro mûtaratara wa ûrîa maûndû mau meekîkire, nîûndû nie nînaamarûmîrîre waro kuuma wa Kîammbîrîria Kîammo.

Luka 14:22

Vuva wa kavinda kanini ndungata îo nîyacokire mûciî na îkîra mûnene wayo atîrî, ‘Mwathani nînavingia ûrîa ûrandûmîte, nwatî nyomba twa mbîcûru andû.’

Luka 24:19

Nake Jesû nîwamaûririe atîrî, “Nî maûndû marîkû?” Nao nîmaamûcokerie atîrî, “Maûndû megiî Jesû wa Nazarethi. Methorî ma Ngai na ma andû onthe mûndû ûcio ararî mûrathi ûrarî na ûvoti mûnene maûndûrî marîa araugaga na arekaga.

Luka 3:23

Vîndî îrîa Jesû aambîrîrie wîra wake, aarî na ûkûrû ta wa mîaka mîrongo îthatû. Andû meciragia Jesû aarî mûvîcî wa Josefu, mûvîcî wa Heli,

Ciîko 2:22

“Mue Aisiraeli aya, tathikîrîriani ciugo ino! Jesû wa Nazarethi aarî mûndû warî wa mwanya. Wathani wake wa ûngai nîwonanirue waro kûrî mue na njîra ya morirû na ciama irîa Ngai aaringire na njîra yake. Mue ene nîmwîcî ûguo nîûndû ûndû ûcio nîwekîkire gûkû gatagatîrî kenyu.