Ayubu 9:8 - ÎVUKU RÎA ÛVORO MWARO

⁸ Nîke wenga watambarûkirie matu, na agîkinyanga makûmbî ma manjî îriarî.

Ayubu 9:8 ပူးပေါင်းရင်းမြစ်များ

Kîam 1:1

Kîambîrîriarî Ngai nîwaûmbire îgûrû na nthî.

1Maû 16:26

Nîûndû ngai cia ndûrîrî icio ciîngî nî mîvuanano, nwatî Ngai-Mûnene nîke waûmbire îgûrû.

Ayubu 26:13

Nîwatheririe îgûrû na mîruke yake, na vinya wake nîwaûragire njoka îrîa yaûraga.

Ayubu 26:7

Ngai atambarûkîtie rûgûrû kûndû gûtarî kîndû, na agacuuria nthî vandû vatarî kîndû.

Ayubu 37:18

Nwa ûvote gûtambarûkia matu ta ûrîa Ngai ekaga, na ûtûme maûme ta gîcicio?

Ayubu 38:11

na ngîrîîra atîrî, ‘Ûyû nîguo mûthiia waku, ndûkavîtûke ava, makûmbî maku manene magakinyaga ava.’

Ayubu 38:16

“Wî mûkinyu îriarî kûrîa kûtherûkaga manjî? Kana ûkathiîra nthî ya îria kûrîa kûrikîru?

Thaburi 33:6

Ngai-Mûnene aaûmbire îgûrû na njîra ya kiugo, aaûmbire indo cionthe cia îgûrû na njîra ya mûgambo wake.

Thaburi 77:19

We nîwathiîrîre îriarî; nîwavîtûkîrîre îriarî kûrîa kûriku, nwatî makinyo maku mationeka.

Isaia 40:22

Nthî yaûmbirwe nî ûcio wîkaragîra gîtî gîake Kîam ûnene îgûrû maturî, na kûrî ke andû arîa matûûraga nthî nîta mvandi. Ke atambûrûkîtie matu ta gîtambaa, na agakûnjûra gîtambaa kîu ta îgema rîa gûtûûrwa.

Isaia 42:5

Ûguo nîguo Ngai-Mûnene arauga, ûrîa waûmbire îgûrû na akîrîtambûrûkia, nîke waûmbire nthî na indo cionthe irîa irî kuo, nîke ûvecaga andû arîa matûûraga kuo mîvevû, na akava mwoyo arîa matûûraga kuo.

Isaia 44:24

“Nînie Ngai-Mûnene ûrîa wagûkûûrire; nînie nakûmbire ûrî nda ya nyûkwe. Nînie Ngai-Mûnene mûmbi wa indo cionthe. Nînie natambûrûkirie îgûrû na ngîûmba nthî na vinya wakwa, gûtirî mûndû wandethirie.

Isaia 51:13

Nîkwa wî mûriganîre nî Ngai-Mûnene ûrîa wakûmbire, ûrîa watambûrûkirie îgûrû, na agîkîra mûcingi wa nthî? Ûtindaga vingo cionthe wîtigîrîte marakara ma arîa mavinyanagîrîria, vîndî îrîa makwîvarîria gûgûcûkangia nîkî? Marakara mao matingîkûvutia.

Jeremia 10:11

Kwoguo nîmûkaamera atî: “ngai irîa itaûmba nthî na îgûrû nîikaathira cionthe gûkû nthî.”

Jeremia 10:12

Ngai-Mûnene nîke waûmbire nthî na vinya wake, nîke wathondekire nthî na ûûgî wake, na agîtambûrûkia îgûrû na njîra ya ûmenyo wake.

Jeremia 51:15

Ngai-Mûnene nîke watûmire nthî îgîe kuo na ûûgî wake; nîke watûmire nthî îkindîrie na vinya wake, na agîtambûrûkia matu na ûmenyo wake.

Zakaria 12:1

Îno nî ndûmîrîri ndito îgiî Isiraeli kuuma kûrî Ngai-Mûnene ûrîa waûmbire îgûrû, na akîûmba nthî na akîva mûndû mwoyo. Ke arauga atîrî,

Johana 6:19

Na vîndî îrîa arutwa maathiîte rûgendo rwa kilomita ta ithano kana ithathatû marî îtarûrî, nîmoonire Jesû athiîrîrîte manjîrî îgûrû na erekerete na kûrîa maarî. Nao nîmaamakire mûno.