Ayubu 9:5 - ÎVUKU RÎA ÛVORO MWARO

⁵ Nîke ûthengutagia irîma îtakûmenya, na akaing'aûrania arî na marakara.

Ayubu 9:5 ပူးပေါင်းရင်းမြစ်များ

Ayubu 26:6

Kwa arîa akuû kwîthîrîtwe kûrî njaga mbere ya Ngai, îrima rîrîa rîtarî mûthiia rîtirî na kîndû gîa kûrîkunîkîra.

Ayubu 28:9

Andû menjaga mathiga marîa maûmû mûno, menjaga nginya rungu rwa irîma.

Ayubu 34:25

Na nîûndû Ngai nîecî ciîko ciao, nîamacunaga wathani ûtukû na akamacûkangia.

Ayubu 40:11

Îtûrûrîra andû marakara maku manene, roria arîa onthe etîi na ûmagwîthie.

Ayubu 41:11

Nû ûngîtharîkîrwa na acoke avonoke? Gûtirî mûndû nthî yonthe ûngîmîtharîkîra.

Thaburi 114:6

Mue irîma, mwarûgarûgaga ta ndûrûme nîkî? Mue tûrîma, mwarûgarûgaga ta tûgondu nîkî?

Thaburi 46:2

Kwoguo tûtigeetigîra wana nthî yainaina, na irîma inginaina igwe îriarî;

Thaburi 68:8

nthî nîyathingithire na mbura îkiura kuuma îgûrû, nîûndû Ngai wa Sinai nîwaûkire, nîûndû Ngai wa Isiraeli nîwaûkire.

Isaia 40:12

Nû wanathima manjî ma îria na rûvî rwake kana akathima matu na njara ciake? Nû ûngîvota gwîkîra mûthetu wa nthî gîkomberî, kana athime irîma na tûrîma na kîthimi?

Nahumu 1:5

Irîma nîcinainaga mbere yake, na tûrîma tûkararûka. Rîrîa Ngai-Mûnene aumîra nthî nîinainaga, nthî na indo cionthe irîa irî kuo.

Nahumu 1:6

Nû ûngîvota gwîtirîria marakara ma Ngai-Mûnene? Nû ûngîvota gwîtirîria ûrûrû wa marakara make? Mang'ûrîka make metûrûragwa ta mwaki; na nîenyûrangaga mathiga inuku.

Habakuku 3:10

Irîma ciakwonire igîtetema, gûkîgîa na mwîcûro wa manjî kuuma maturî. Manjî ma îria kûrîa kûriku makîruruma, na magikia makûmbî ma manjî na îgûrû.

Habakuku 3:6

Aarûngamire nthî îkinaina, aaroririe mavûrûri makîthingitha. Irîma cia tene na tene nîcianyaganirue, tûrîma tûrîa tûtûûraga tene na tene nîtwavaraganirue. Kûu nîkuo njîra ciake irî kuuma tene na tene.

Zakaria 4:7

Gûtirî kîndû gîgaakûrigîrîria wana kîethîrwa kîrî kînene ta kîrîma, nwatî nîgîkaavaraganua. We nîûgatuma hekarû rîngî, na ûkîmîrîkia andû nîmakaugîrîria atîrî, “Nî mbaro! Nî mbaro!”

Mathaayo 21:21

Nake Jesû nîwamacokerie atîrî, “Nie nîramwîra nama atî mûngîtîkia mûtarî na nganja, mue nwa mûvote gwîka ûrîa nie neka mûkûyû ûyû. Na twa ûguo wonga, nwatî nwa mûvote wana kwîra kîrîma gîkî atîrî, ‘Îîkûûre na wîikie îriarî, na gîgeikia.’

Mathaayo 27:51

Nakîo gîtambaa gîa hekarû nîgîatûkanire maita maîrî, kuuma îgûrû nginya nthî. Nayo nthî nîyainainire namo mathiga magîatûkanga.

Luka 21:11

Kûndû kwîngî nîgûkaagîa na ithingithia inene, yûra, na mîrimû na kûgîe na maûndû ma kûmakania na ma kûgegania kuuma îgûrû.

1Akor 13:2

Nwa mbîthîrwe nîmvotaga kûvunjia ndûmîrîri ya Ngai, na nwa mbîthîrwe nîmenyaga maûndû monthe na ngataûkîrwa nî maûndû monthe marîa marî nthithorî. Wana nwa mbîthîrwe nîrî na wîtîkio mûnene ta ûrîa ûngîvota kûthamia irîma. Nwatî ethîrwa ndirî na wendani, ndirî na vata wana vanini.

Kûguû 11:13

Na kavinda wa kau nîkwagîre na kîthingithia kînene. Na gîcunjî kîmwe gîa îkûmi Kîam îtûûra rîu rînene nîkîagwîre, na andû ngiri mûgwanja makîûragwa. Andû arîa maatigarire nîmaagîre na guoya nyîngî na magîkumia ûnene wa Ngai wa îgûrû.

Kûguû 6:14

Narîo îgûrû nîrîekûnjire ta îvuku rîa gîkûnjo na rîkîthirîkîra. Nacio irîma cionthe na icîgîrîra nîciathengutirue varîa ciethagîrwa irî.