Ayubu 8:9 - ÎVUKU RÎA ÛVORO MWARO

⁹ Tue tûtûûrîte kavinda kanini, na gûtirî ûndû twicî; mîthenya yetû gûkû nthî nîta kîruru.

Ayubu 8:9 ပူးပေါင်းရင်းမြစ်များ

Kîam 47:9

Nake Jakovu nîwacokerie mûthamaki wa Misiri atîrî, “Kavinda ka mîaka îgana rîa mîrongo îthatû ndûûrîte mbûrûraga. Mîakarî îo mbîthîrîtwe nîrî na thîna na mînyamaaro. Mîaka yakwa ya kûrûra îthîrîtwe îrî mînini gûkîra mîaka îrîa methe makwa ma tene maatûûrîte makîûrûraga.”

1Maû 29:15

Tûrî ageni na evîtûkîri methorî maku, wata ûrîa methe metû mekariî. Kavinda getû gûkû nthî gekariî ta kîruru, tûtirî na kîîrîgîrîro.

2Maû 10:6

Mûthamaki Rehoboamu nîwathiîre kûria kîrîra kûrî athuuri arîa maataaraga îthe Solomoni rîrîa aarî mwoyo na akîmaûria atîrî, “Nîmûndaara ngacokerie andû aya atîa?”

Ayubu 14:1

“Mûndû ûrîa ûciarîtwe nî mûndûmûka, atûûraga mîthenya mînini, na îcûrîtwe nî mathîna.

Ayubu 14:2

Akûraga ta maûa marîa macokaga kûma, avinyûraga na akaûrîra wa rîmwe ta kîruru.

Ayubu 32:7

Neîrire na ngoro atîrî, “Tigani arîa akûrû marie; arîa marî na mîaka mîngî nîmavecane ûûgî.”

Ayubu 7:6

Mîthenya yakwa îravinyûra gûkîra nthugû ya cararani, îrathira ndarî na ûndû mbîrîgîrîrîte.

Ayubu 8:10

Nama methe menyu nîmakaamûthomithia, mamwîre maûndû kumana na ûtaûku wao.

Thaburi 102:11

Ûtûûro wakwa wîkariî ta kîruru gîa kîvwaî, nîraûma ta nyaki.

Thaburi 102:12

Nwatî we Ngai-Mûnene, wî mûthamaki tene na tene; njiarwa cionthe nîitûûra ikûririkanaga.

Thaburi 144:4

Mûndû nîta mîvevû; ûtûûro wake ûvana ta kîruru kîvîtûkîte.

Thaburi 39:5

Nîmbicî atî, ûtûûro wakwa nî mûkuvî mûno! Ûtûûro wakwa tî ta kîndû mbere yaku. Nama, mûndû wa wonthe nî ta mîvevû.

Thaburi 82:5

“Mûtirî na ûmenyo na mûtitaûkagîrwa, mecûrîtwe nî ungumania; kîvooto nîkîriganîrîte gûkû nthî.

Thaburi 90:4

Mîaka ngiri îmwe mbere yaku, nîta mûthenya ûmwe tu, nîta îgoro rîrîa rîvîtûku, kana ta kavinda kanini ga ûtukû.