Ayubu 8:21 - ÎVUKU RÎA ÛVORO MWARO

²¹ Nîagaatûma wîcûrwe nî mîtheko, na kanyua gaku kaugîrîrie nî gûkena.

Ayubu 8:21 ပူးပေါင်းရင်းမြစ်များ

Kîam 21:6

Nake Sara nîwaugire atîrî, “Ngai nîatûmîte ntheke na mûndû wa wonthe ûkeegucaga ûvoro ûyû wa nake akaathekaga.”

Nehemia 12:43

Mûthenya ûcio andû nîmaarutire magongoona meengî na nîmaakenire nîûndû Ngai nîwamavete gîkeno kînene. Aka na ciana wanao nîmaakenire na înegene rîa gîkeno Kîamo kuuma îtûûrarî rîa Jerusalemu nîrîegwîkaga kûndû kûraca.

Ayubu 35:10

Nwatî gûtirî ûragia, ‘Ngai mûnyûmbi arî kû, ûrîa ûmvotithagia andû kwina wana kûrî na thîna;

Ayubu 5:22

Mûthiro na yûra ciaûka, we nîûkaithekerera; na ndûgeetigîra nyamû cia kîthaka.

Thaburi 100:1

Andû onthe a nthî, inîrani Ngai-Mûnene mûkenete!

Thaburi 126:1

Rîrîa Ngai-Mûnene aatûcokirie Zayuni rîngî, twekariî ta andû makîroota!

Thaburi 126:2

Tûnyua twetû nîtwecûrirwe nî matheka, na tûrîmî twetû tûgîcûrwa nî gîkeno. Nao andû a mavûrûri marîa mengî nîmaaugire atîrî, “Ngai-Mûnene nîekîrîte andû acio maûndû manene.”

Thaburi 126:6

Arîa mathiîcaga makîrîraga makuîte mbeû cia kûvanda, magaacoka mîciî makenete, makuuîte maketha mao.

Thaburi 32:11

Mue andû arîa athingu, kenani na mûcanjamûke, nîûndû wa ûrîa Ngai-Mûnene ekîte. Mue arîa mûmwathîkagîra, ugîrîriani mûkenete!

Thaburi 98:4

Andû onthe a nthî inîrani Ngai-Mûnene mûrî na gîkeno, mwinîreni nyîmbo cia kûmûkumia mûrî na gîkeno.

Luka 6:21

Kûrathimwa nîmue arîa avûtu rîu, nîûndû nîmûkaavaithua! Kûrathimwa nîmue arîa mûrarîra rîu, nîûndû nîmûkaatheka!