Ayubu 7:21 - ÎVUKU RÎA ÛVORO MWARO

²¹ Nîkwa ûtangîndekera mevia makwa, na ûngirîre mavîtia makwa? Nîûndû kavinda gatarî karaca ngethîrwa nîrî mbîrîrarî, ûkanjaria nwatî ndikethîrwa nîrî vo.”

Ayubu 7:21 ပူးပေါင်းရင်းမြစ်များ

2Sam 24:10

Daudi arîkia gûtara andû, nîwambîrîrie kûthînua nî thamiri yake, na nîwerire Ngai-Mûnene atîrî, “Nînjîvîtie mûno nîûndû wa ûguo mbîkîte! Nakûthaitha ûnjovere, nîûndû mbîkîte ûguo na ûrimû.”

Ayubu 10:14

Wanduîragia wone kana nîngwîvia, nîguo ûrege kûnjovera mevia makwa.

Ayubu 10:9

Ta ririkana atî wanyûmbire na yûmba. Nîkwa ûrenda kûndutumûra nduîke rûkûngû rîngî?

Ayubu 13:19

“Kûrî na mûndû ûngîciira nanie? Ethîrwa nîkûrî ngakira mbûragwe.

Ayubu 14:10

Nwatî rîrîa mûndû akua, ûcio wîthagîrwa ûrî mûthiia wake; arîkia gûtuîkana atigagwa na ndûî rîngî?

Ayubu 17:14

nîngîra mbîrîra “We nîwe vava” na mbîre kîgunyû “Ûrî nyanya” kana “Mwarwaiya;”

Ayubu 20:8

Akaathira ta kîroto na ndakoonekana rîngî, akaûrîra ta kîoneki Kîam ûtukû.

Ayubu 27:19

Athiîcaga kûmama arî gîtonga, nwatî nî riita rîa mûthiia, aramûka kîraûko akethîrwa atarî kîndû.

Ayubu 3:13

Nîngîakuire vîndî îo nîngîvurûkîte, nîngîakwire vîndî îo ndingîrî kwaria,

Ayubu 33:9

We wauga atî nîrî mûtheru, na ndirî na mavîtia, nîrî mûtheru, na ndirî na mevia.

Ayubu 7:8

Mûndû ûrîa ûramona rîu ndagaacoka kûmona rîngî, ûkanjaria ndure nîûndû ngethîrwa ndarî vo.

Ayubu 8:1

Bilidadi wa kuuma Shuha nîwacokerie Ayubu atîrî,

Ayubu 9:28

Nînîtigagîra mathîna monthe marîa mbîthîrîtwe namo, nîûndû nîmbicî vîndî cionthe Ngai anducaga mwîvia.

Thaburi 103:15

Nwatî, ûtûûro wa mûndû wîkariî ta nyaki, akûraga ta maûa marî mûgûndarî;

Thaburi 37:36

Nwatî vuvarî ngîvîtûkîrîra vo, ndaarî vo; naamûcaririe, nwatî ndiamwona.

Mûvunjia 12:7

Mwîrî ûgaacoka mûtheturî wa kûrîa waumire, naguo mwoyo ûcoke kûrî Ngai ûrîa waûvecanire.

Isaia 26:19

Andû aku arîa akuû nîmagaatûûra mwoyo, mîîrî yao nîkaariûka! Arîa mamamîte mûtheturî nîmagaaûkîra, na maine makenete. Nîûndû îme rîa Ngai-Mûnene nî îme rîa ûtheri, nao arîa marî kwa arîa akuû nîmakaariûka.

Isaia 64:9

Ndûgatûrakarîre makîria, we Ngai-Mûnene, kana ûtûûra ûririkanaga mevia metû tene na tene. Ririkana atî tue tuonthe tûrî andû aku.

Danieli 12:2

Andû eengî arîa makethîrwa marî mbîrîrarî nî makaariûka, amwe magîe na mwoyo wa tene na tene, nao acio engî matûûre manyamarîkaga.

Hosea 14:2

Nama cokererani Ngai-Mûnene; mûkîveraga mevia menyu mûkiugaga atîrî, “Tûovere mevia metû, na wamûkîre kîrîa Kîamro tûrî nakîo, na nîtûgûkûva îgongoona rîa gûgûkumia.

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

1Joh 1:9

Nwatî tûngiumbûra mevia metû kûrî Ngai ke nîagûtwovera na atûtherie mevia metû monthe nîûndû ke nî mwîvokeku na nîekaga ûma.

1Joh 3:5

Nîmwîcî atî Kristû aaûkire kûthengutia mevia, na atî ndaarî yake gûtirî rîvia.