Ayubu 7:16 - ÎVUKU RÎA ÛVORO MWARO

¹⁶ Nînthûrîte mwoyo wakwa, ndingîtûûra kavinda karaca. Tiganani na nie, nîûndû ûtûûro wakwa nîta mîvevû.

Ayubu 7:16 ပူးပေါင်းရင်းမြစ်များ

Kîam 27:46

Rebeka nîwerire Isaka atîrî, “Nîrîmûnogu nî gûtûûrania na aka aya a Esaû. O nî a mûvîrîga wa Ahiti, na Jakovu wanake angîvikia mûndûmûka Mûhiti ta aya, nwa ngue.”

1Atha 19:4

na akîthiî werûrî rûgendo rwa mûthenya mûgima. Nîwakinyire vandû vaarî na mûtî na agîkara nthî kîrururî Kîamguo, nîwerirîrie gûkua na akîvoya atîrî, “Rîu Ngai-Mûnene maûndû mau monete nîmeganu, wana nî kava nguîte ta methe makwa ma tene!”

Ayubu 10:1

“Nie ndirî na vata na ûtûûro wakwa! Nîngwaria mateta makwa ndarî na guoya. Nîngwaria nîrî na ûrûrû mwîngî ngororî.

Ayubu 10:20

Na kinthî mavinda makwa ma gûtûûra mwoyo tî manini? Tigana nanie nîguo ngenerere ûtûûro vanini,

Ayubu 14:6

Roria na kwîngî ûtige kûmwona, tiga akenerere mîthenya yake ta mûthûkûmi.

Ayubu 6:9

Nî kava Ngai ambûragîte; na arekererie njara yake înthirie!

Ayubu 7:15

Nie nthuurîte nîkava gwîita; nîkava gûkua gûkîra kwona mathîna ta mama.

Ayubu 7:7

“We Ngai, ta ririkana atî ûtûûro wakwa nî ta mîvevû; ritho rîakwa rîtigacoka kwona ûndû mwaro rîngî.

Ayubu 9:21

Ndirî na ûcuke, na ndiîmakagîra, ndirî na vata na mwoyo wakwa.

Thaburi 144:4

Mûndû nîta mîvevû; ûtûûro wake ûvana ta kîruru kîvîtûkîte.

Thaburi 39:10

Tiga kûmverithia rîngî! Nîrî vakuvî kûthirua nî mbaara yaku.

Thaburi 39:13

Tiga kûrakara nînie nîguo ngîe na gîkeno kînini, mbere ya ngua na ndiganîre viû.

Thaburi 39:6

Nama, mûndû wonthe nî ta kîruru. Mawîra monthe marîa marutaga nî ma mana; acaragia ûtonga nwatî ndamenyaga ûrîa ûkaarigia nacio akua.

Thaburi 62:9

Andû onthe mekariî ta mîvevû tu; andû arîa marî îgweta na arîa matarî îgweta matirî vata. Ûngîmathima ûrito na kîthimi, matirî ûrito; onthe marî vamwe nîavûthû gûkîra mîvevû.

Thaburi 78:33

Kwoguo Ngai nîwatûmire mîthenya yao îthira ta mûvevû, na ûtûûro wao ûkîthira wa rîmwe mûthiro.

Thaburi 78:39

Ngai nîwaririkanire atî maarî andû tu, mekariî ta rûvuvo rûrîa rûvurutanaga na rûkathira.

Mûvunjia 2:17

Kwoguo nînaamenire ûtûûro nîûndû maûndû monthe marîa mekagwa gûkû nthî maambîgwithagia kîeva. Maûndû mau monthe maarî ma mana; nî takwa naageragia kûvinyûrania na rûkûngi.

Jeremia 8:3

Andû arîa maatigarire a rûrîrî rûrû rwaganu, arîa matûûraga kûrîa namanyaganirie nîmakerirîria gûkua gûkîra gûtûûra mwoyo, ûguo nîguo Ngai-Mûnene, mwene vinya wonthe arauga.”

Jona 4:3

Kwoguo rîu, we Ngai-Mûnene, nakûthaitha ûmbûrage. Nîkava ngue gûkîra ndûûre mwoyo.”

Jona 4:8

Riûa rîarîkia kûratha, Ngai nîwatûmire rûkûngi rûviû kuuma mwena wa îrathîro, na Jona nîwavîvirue kîongo mûno nî ûrugarî wa riûa nginya akîenda kûgirîka. Kwoguo nîwerirîrie gûkua na nîwaugire atîrî, “Nîkava ngue gûkîra ndûûre mwoyo.”