Ayubu 6:27 - ÎVUKU RÎA ÛVORO MWARO

²⁷ Mue wana nwa mwikîrie ciana cia ndigwa mîtî, na mwendie arata enyu.

Ayubu 6:27 ပူးပေါင်းရင်းမြစ်များ

Ayubu 22:9

Aka a ndigwa maûka gwaku menûkaga njara ntheri, na ûkathiria ciana cia ndigwa vinya.

Ayubu 24:3

Macunaga ciana cia ndigwa mvuda ciao, mocaga ndegwa ya mûndûmûka wa ndigwa nginya rîrîa akarîva thirî wake.

Ayubu 24:9

Marutaga ciana cia ndigwa nyondorî cia ng'ina, na magoca ciana cia ngîa nginya rîrîa makaarîvwa thirî.

Ayubu 29:12

Nîûndû athîni mangaîra nînamatethirie, na ngîtethia ûrîa ûtaarî na îthe wa kûmûtethia.

Ayubu 31:17

Ndianarîa irio ciakwa nî nienga; na ndianarega kûgaana na ciana cia ngoriai;

Ayubu 31:21

Ndianatûmîra vinya wakwa kûverithia mwana wa ndigwa, nîûndû atî atongoria a îtûûra marî mwena wakwa.

Thaburi 57:6

Nthû ciakwa ciambîte mûtego nîguo ingwatithie; nanie nîmbîcûrîtwe nî kîeva. Maamînjîrîte îrima varîa mvîtûkagîrîra, nwatî o ene nîo magwîte kuo.

Thaburi 7:15

Menjaga marima nîguo andû arîa engî magwe kuo, nwatî o ene nîo magûcaga kuo.

Thaburi 82:3

Gitîrani kîvooto Kîam andû arîa matarî vinya na arîa matarî aciari; onaniani waragania kûrî andû arîa athîni na ngîa.

Ntha 22:21

“Mûtikaanavinyîrîrie mûgeni kana mûmûvîtîria, ririkanani atî wanamue mwarî ageni vûrûrirî wa Misiri.

Jeremia 18:20

Ûndû mwaro nîûrîvagwa na ûndû mûcûku? Nwatî o maramînjîra îrima ngwe, ririkana ûrîa narûngamire mbere yaku ngîkwîra ûrîa marî aro, nîguo ûthirie marakara maku kûrî o.

Jeremia 18:22

Kîrîro nî kîguwe mîciîrî yao, rîrîa ûkamaretera gîkundi gîa acunani wa rîmwe! Nîûndû nîmamînjîrîte îrima nîguo ngwe, na magatega mîtego nîguo ngwatue.

Ezek 22:7

Îthe na ng'ina wa mûndû arîa marî kûrî we mativecagwa gîtîîo. Mûgeni ûrîa ûtûûraga gwaku, nîacunagwa indo ciake. Nacio ciana cia ngoriai na aka a ndigwa nîmoonagîrwa.

Joeli 3:3

Nîmaaûthire nîguo mamenye nî ûrîkû ûgwoca mîgwate; nîmeendirie anake na erîtu marî ngombo, nîguo marîve ûmaraa na ndivei.

Nahumu 3:10

Kûnarî ûguo, andû a Thebesi nîmaakuirwe marî mîgwate. Ciana ciakuo ciarivagîrwa ndeererî cia varavara ikenda gûkua. Anene ao nîmaakuirwe marî na mînyororo, na makîgaanua gatagatî ka arîa mamanyitîte.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!