Ayubu 5:4 - ÎVUKU RÎA ÛVORO MWARO

⁴ Ciana ciake itirî na ûgitîri; wana ingîthiî ciirarî itionaga wa gûitetera, nîûndû gûtirî mûndû wa gûitethia.

Ayubu 5:4 ပူးပေါင်းရင်းမြစ်များ

Ayubu 1:19

Na wa rîmwe rûkûngi rûnene rumîte ya werûrî nî rûkire na rwaringa nyomba na yomomokera ciana ciaku cionthe ikînakua. Nînie nienga ndigarire nîguo mbûke ngûmenyithie maûndû mama.”

Ayubu 10:7

We nîwicî atî ndirî mwîviu, na atî gûtirî mûndû ûngîndethûra kuuma kûrî we.

Ayubu 20:10

Ciana ciake igacaragia ûtethio kûrî athîni, ke mwene nîagaacokia ûtonga wake wonthe.

Ayubu 27:14

Wana ethîrwa arî na ciana nyîngî cionthe ikaûragîrwa mbaararî, na njiarwa ciake igatûûraga na yûra.

Ayubu 8:4

Ethîrwa ciana ciaku nînjîvîriu Ngai, ke amaverithîtie kûringana na mavîtia mao.

Thaburi 119:155

Andû arîa aganu matikaavonokua, nîûndû matitindanagîra na mawatho maku.

Thaburi 127:5

Gûkena nî mûndû ûrîa wîcûrîtie thiaka yake mîguî. Ke ndagaaconoka agîcira na nthû ciake arî karengerere.

Thaburi 7:2

nîûndû warega kûmvonokia, nîmandambururanga ta mûnyambû, na gûtirî mûndû wîngî ûngîndethia.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Nthi 24:7

Mûndû mûritu ndataûkagîrwa nî ûûgî, ekaraga akirîte rîrîa maûndû ma vata makwarua.

Amosi 5:12

Nîmbîcî ûrîa mavîtia menyu marî meengî na ngamenya ûrîa mwîkîte maûndû meengî macûku. Mûnyariraga andû arîa aro, mûkamûkîra mavaki na mûkagirîrîria ngîa ituîrwa na kîvooto îgootirî.

Josh 20:4

Mûndû ûcio ûraganîte nî akaaûra athiî îtûûrarî rîmwe rîa mau. Nake nîakaarûngama kîvingorî gîa îtûûra rîu na ataarîrie atongoria a îtûûra ûrîa gwîkîkîte. Nao nîmakaamwîtîkîria atonye îtûûrarî rîu na mamûve vandû va gûtûûra na nîagaatûûrania na andû a îtûûra rîu.