Ayubu 5:21 - ÎVUKU RÎA ÛVORO MWARO

²¹ Nîagaakûvonokia kuuma kûrî arîa maiganagîrîra ing'enyo, mûthiro waûka we ndûgetigîra.

Ayubu 5:21 ပူးပေါင်းရင်းမြစ်များ

Ayubu 5:15

Nwatî Ngai nîavonokagia ciana cia ndigwa itikaûragwe, avonokagia ngîa kuuma njararî cia arîa aganu.

Thaburi 31:20

Nîûmathithaga varîa we ûrî, kûraca kuuma kûrî mîvango mîcûku ya andû, nîûmaigaga vandû ûmagitîrîte, kuuma kûrî irumi cia nthû ciao.

Thaburi 31:21

Ngai-Mûnene arokumua, nîûndû nîamonetie wendo ûtathiraga na njîra ya magegania, rîrîa naarigicîrîtue ta îtûûra rîkîtharîkîrwa!

Thaburi 55:21

Ciugo ciao cianyorokete gûkîra kîrimû Kîam îriia, nwatî ngoro ciao mecûrîtwe nî rûmena; ciugo ciao cianyorokete ta maguta, nwatî ciatemaga ta mviû ino mbûgî.

Thaburi 57:4

Nie nthiûrûrûkîrîtue nî nthû, arîa makorokerete nyama cia andû ta mînyambû, magego mao mekariî ta matumû na mîguî; nîmî ciao ciîkariî ta mviû ino mbûgî.

Nthi 12:18

Ciugo njûku iguraragia ta rûviû, nwatî ciugo cia mûndû mûûgî nîivonagia kîronda.

Nthi 3:25

Ndûgetigîre ûndû wa kûmakania ûrîa ûngîûka wa rîmwe, kana ivuvûkanio irîa ingîtharîkîra andû arîa aganu na vinya.

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”