Ayubu 5:15 - ÎVUKU RÎA ÛVORO MWARO

¹⁵ Nwatî Ngai nîavonokagia ciana cia ndigwa itikaûragwe, avonokagia ngîa kuuma njararî cia arîa aganu.

Ayubu 5:15 ပူးပေါင်းရင်းမြစ်များ

Ayubu 29:17

Nînathiririe andû arîa aganu vinya, na ngîtethûra arîa maanyitîtwe nîo.

Ayubu 34:28

Kwoguo nîmaatûmire arîa athîni makaîra Ngai, nake Ngai nîweguire kîrîro Kîam arîa maavinyîrîrîtue.

Ayubu 34:30

wana ethîrwa nî vûrûri kana nî mûndû; ekaga guo nîguo mûndû mwaganu ndakathane.

Ayubu 36:15

Nwatî Ngai nîavonokagia arîa avinyîrîrie, na njîra ya mathîna marîa moonaga. Atûmaga moone thîna nîguo mamwîgue.

Ayubu 36:6

Ndetîkagîra arîa aganu matûûra mwoyo, nwatî nîwonanagia kîvooto kûrî arîa athîni.

Ayubu 38:15

Nwatî andû arîa aganu nîmakaaimwa ûtheri wao, njara irîa ciîkaga maûndû macûku nîikaunangwa.

Ayubu 4:10

Arîa aganu mararamaga ta mûnyambû mwaganu. Nwatî ciugo ciao nîithiragua vinya.

Ayubu 4:11

Ta ûrîa mûnyambû ûkucaga watura gîa kûrîa, andû arîa aganu makucaga nacio ciana ciao ikanyagania.

Ayubu 5:21

Nîagaakûvonokia kuuma kûrî arîa maiganagîrîra ing'enyo, mûthiro waûka we ndûgetigîra.

Thaburi 10:14

Nwatî we nîwonaga arîa marî na mathîna na mînyamaaro, na wîthagîrwa vîndî cionthe wîvarîrîtie kûmatethia. Andû arîa matarî vinya merekagîrîria njararî ciaku; we nîûtethagia athîni vîndî cionthe.

Thaburi 10:17

We Ngai-Mûnene thikîrîria mavoya ma andû arîa avooreri, maûmîrîrie na ûmathikîrîrie,

Thaburi 107:41

Nwatî nîwavonokirie arîa ngîa kuuma mathînarî mao, na agîtûma andû a nyomba yao mongerereke ta ndîthia ya ng'ondu.

Thaburi 109:31

nîûndû nîagitagîra andû arîa athîni, na akamavonokia kuuma kûrî arîa mamatucagîra kûragwa.

Thaburi 140:12

Nîmbîcî atî Ngai-Mûnene nîaciragîrîra arîa maranyamarua, na nîonanagia ivooto kûrî ngîa.

Thaburi 35:10

Nîngera Ngai-Mûnene na ngoro yakwa yonthe atîrî, “Gûtirî wîngî tawe we Ngai-Mûnene. Nîûvonokagia arîa matarî vinya kuuma kûrî arîa marî vinya, athîni na avatari kuuma kûrî arîa mavinyanagîrîria.”

Thaburi 72:4

Mûthamaki arogitîra kîvooto Kîam arîa avinyîrîrie, atethererie arîa marî na ûvatari, na acûkangie arîa mamavinyagîrîria.

Jeremia 39:11

Mûthamaki Nebukadinezarû wa Babuloni nîwathîte Nebuzaradani mûnene wa arangîri, ûvoro wîgiî Jeremia akîmwîra atîrî,

Danieli 1:9

Ngai nîwatûmire Ashipenazi ende Danieli na amwîguîre ntha.