Ayubu 42:12 - ÎVUKU RÎA ÛVORO MWARO

¹² Ngai-Mûnene nîwarathimire Ayubu ûtûrorî wake wa mûthiia gûkîra ûrîa aamûrathimîte ûtûrorî wa mbere.

Ayubu 42:12 ပူးပေါင်းရင်းမြစ်များ

Kîam 24:35

Ngai-Mûnene nîarathimîte mwathi wakwa mûno na akamûtongia. Nîamûvete ndîthia ya mbûri na ng'ondu na ng'ombe, sîlûva, thaavu, ndungata cia arûme na cia aka, ngamîîra na mvunda.

Kîam 32:14

Nîwathuurire mvarika magana maîrî na nthenge mîrongo îîrî, mîatî magana maîrî, na ndûrûme mîrongo îîrî,

Ayubu 1:10

Nîkwa ûmûgitagîra ke, mûciî wake, wana indo ciake cionthe. Ûndû wa wonthe ekaga we nîûmûrathimaga. Ndîthia ciake cia mbûri na ng'ombe ciîcûrîte vûrûri wonthe.

Ayubu 1:2

Ayubu aarî na anake mûgwanja (7) na erîtu athatû (3).

Ayubu 1:3

Aarî na ûtonga wa ng'ondu ngiri mûgwanja (7,000), ngamîîra ngiri ithatû 3,000, ndegwa cia mûraû ngiri îmwe (1,000), na mvunda magana matano (500). Ayubu aarî na ndungata nyîngî mûno, na nîke warî gîtonga kînene mûno gûkîra andû onthe mwena wa îrathîro.

Ayubu 8:7

Wana ethîrwa wambîrîrie ûtûûro ûtarî na kîndû, vuvarî ûkethîrwa ûrî na indo nyîngî.

Thaburi 107:38

Nîwarathimire andû ake na makîongerereka mûno, na agîtûma ndîthia yao ya ng'ombe yongerereke.

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Mûvunjia 7:8

Kîambîrîria Kîam ûndû nî Kîamro gûkîra kîrîkîro Kîamguo. Gûkirîrîria nî kwaro gûkîra mwîtîîo.

Ezek 36:11

Nîngaatûma andû mengîve wana nyamû irîa mûrîthagia ciîngîve. Nîikoongerereka na iciarane mûno na ndûme irîma itûûrwe ta ûrîa ciatûûragwa mbererî. Nîngaamwîka maûndû maro gûkîra marîa monthe naamwîkîte mbere na nîmûkaamenya atî, nie nînie Ngai-Mûnene.

Gûco 8:16

Kûu werûrî nîwamûvere mana mûrîe, irio irîa methe menyu matanarûma. Nîwatûmire mwînyivie na akîmûgeria, nîguo mûthiiarî amûrathime na indo mbaro.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

Jakuvu 5:11

Tue tûmetaga arathime nîûndû nîmaaûmîrîrie. Nîmwîguîte ûvoro wîgiî ûkirîrîria wa Ayubu, na nîmwîcî ûrîa Mwathani aamûtanavîre mûthiiarî. Nîûndû Mwathani nîecûrîtwe nî ûtugi na ntha.