Ayubu 40:10 - ÎVUKU RÎA ÛVORO MWARO

¹⁰ Tonania ûrîa ûrî ngumo na wî mûtîîe, onania ûrîa wî mûnene na wî na ûvoti.

Ayubu 40:10 ပူးပေါင်းရင်းမြစ်များ

1Maû 29:11

Ûnene, vinya, riiri, ûvootani na gîtîîo nî ciaku we Ngai-Mûnene. Îgûrû na nthî na indo cionthe irîa irî kuo, nî ciaku nîûndû ûthamaki nî waku we Ngai-Mûnene, na nîwe mûnene gûkîra anene onthe.

Ayubu 39:19

“Ayubu, nîwe ûvecaga mbarathi vinya? Na ûkamîkîra mûrera mûraca ngingo?

Thaburi 149:4

Nîûndû Ngai-Mûnene akenagua nî andû ake; nîatûmaga arîa enyivia mavootane.

Thaburi 21:5

Nîagîte na riiri mwîngî nîûndû wa ûtethio waku, nîûtûmîte agîe na ngumo na gîtîîo.

Thaburi 50:2

Ngai nîarakenga arî Zayuni, îtûûra rîrîa rîthaka mûno.

Thaburi 93:1

Ngai-Mûnene nî mûthamaki. Ecûrîtwe nî riiri na vinya; nîatûmîte nthî îîvande na ndîngîenyenyeka.

Ntha 28:2

Ûgaatumîra mûrwanyûkwe Aroni nguo ntheru nîguo onekanage arî na riiri na arî mûthaka.

Isaia 4:2

Mûthenya ûcio, rûvûa rûrîa Ngai-Mûnene agaatûma rûmere rûkethîrwa rûrî rûthaka na rûrî na riiri. Namo maciaro ma nthî nîmakaaguna na makenagie andû a Isiraeli arîa matigarîte.

Isaia 59:17

Nîekîra ûthingu takwa arî guo ngo ya kwîgitîra kîthûri, na ekîre ûvonokio kîongorî gîake ta ngovia ya kûgitîra kîongo. Nîeîkîra wîrîvîrîria ta nguo, na eyove wîru ta mûcivi.

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

1Akor 15:54

Kwoguo vîndî îrîa mwîrî ûrîa woraga ûkaagarûrûka ûtuîke mwîrî ûrîa ûtoraga, na mwîrî ûrîa ûkucaga naguo ûgarûrûke ûtuîke mwîrî ûrîa ûtakucaga, mandîko matheru nîmakaavingua marîa maugîte atîrî: “Gîkuû nîgîcûkangîtue, ûvootani nî mûkinyanîru!”