Ayubu 38:35 - ÎVUKU RÎA ÛVORO MWARO

³⁵ Nwa ûvote gûtûma mveni ivenie, nacio igakwîra tûrî ava?

Ayubu 38:35 ပူးပေါင်းရင်းမြစ်များ

2Atha 1:10

Nwatî Elija nîwacokerie mûnene ûcio atîrî, “Ethîrwa nîrî mûndû wa Ngai, ‘Mwaki ûronyûrûrûka kuuma îgûrû na ûgûcûkangie vamwe na athigari aku mîrongo îtano!’ ” Wa rîmwe mwaki nîwacokire ûkînyûrûrûka kuuma îgûrû na ûgîcûkangia mûnene ûcio wa athigari mîrongo îtano wa vamwe na athigari acio ake.

2Atha 1:14

Anene acio engî oîrî vamwe na athigari ao nîmaacûkangirue nî mwaki kuuma îgûrû; nwatî nakûthaitha ûmbîguîre ntha!”

Ayubu 36:32

Anyitaga rûveni na njara yake, na agatûma rûvenie wa varîa akwenda.

Ayubu 37:3

Atûmaga ûtheri kuuma îgûrû ûnyaganie kûndû kuonthe, naruo rûveni rwake rûgakinya mîena yonthe ya nthî.

Ntha 9:29

Musa nîwerire mûthamaki atîrî, “Wona narîkia kuuma nja ya îtûûra rîîrî rînene, ngaaûkîrîria njara ciakwa ngîvoya Ngai-Mûnene. Ngwa îgakira, na mbura ya mbembe îtige kuura, nîguo ûmenye atî nthî nî ya Ngai-Mûnene.

Isaia 6:8

Nînacokire ngîgua Mwathani akîûria atîrî, “Nîûrîkû ngûtûma? Nîûrîkû ûgûtuîka mûnjaama wetû?” Nanie nînacokirie atîrî, “Nîrî ava! Ndûma!”

Isaia 65:1

Ngai-Mûnene arauga atîrî, “Nethagîrwa nîîvarîrîtie gûcokia mavoya ma andû akwa, nwatî matiamvoya. Nethagîrwa nîîvarîrîtie kwonwa nî arîa mataanjaragia, nwatî wana matiageria kûnjaria. Nie nerire rûrîrî rûrîa rûtamvoyaga atî: ‘Nîrî ava! Nîrî ava.’

Alawi 10:2

Wa rîmwe, mwaki nîwaumire kûrî Ngai-Mûnene, ûkîmavîvia na magîkua Ngai-Mûnene akîonaga.

Ndari 11:1

Andû a Isiraeli nîmaatetire nîûndû wa mathîna marîa moonaga. Rîrîa Ngai-Mûnene eegwire mateta mao, nîwarakarire na agîtûma mwaki kûrî andû acio. Mwaki nîwakanire kûu andû acio maarî na ûkîvîvia mîena îmwe nja ya kûrîa maambîte magema.

Ndari 16:35

Naguo mwaki nîwaumire îgûrû na ûgîûka ûkîvîvia andû magana maîrî ma mîrongo îtano (250) arîa maategagîra Ngai-Mûnene ûbani.

1Sam 22:12

Saûlo nîwerire Ahimeleku atîrî, “Tathikîrîria mûvîcî wa Ahitubu.” Nake Ahimeleku nîwacokirie atîrî, “Îî nîrî ava mwathi wakwa.”