Ayubu 38:28 - ÎVUKU RÎA ÛVORO MWARO

²⁸ “Mbura na îme irî îthe?

Ayubu 38:28 ပူးပေါင်းရင်းမြစ်များ

Kîam 27:28

Ngai arokuurîria îme kuuma îgûrû na anorie mîgûnda yaku! Arokûva irio nyîngî na ndivei!

Kîam 27:39

Nake îthe Isaka nîwamwîrire atîrî, “Ûgaatûûraga kûraca na ûnoru wa gûkû nthî, kûndû kûraca na kûrîa kuuraga mbura.

2Sam 1:21

“Mbura îrorega kuura kana îme rîgwa irîmarî cia Giliboa. Mîgûnda ya irîma icio îrotûûra îrî mîthaatu vîndî cionthe. Nîûndû kûu nîkuo ngo ya ûrîa ûrarî vinya îraikirue ta kîndû kîmene; Ngo ya Saûlo ndîkaavakwa maguta rîngî.

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

Ayubu 29:19

Mbîkariî ta mûtî ûrîa ûtambagia mîri manjîrî, wîthagîrwa na îme mvûarî ciaguo ûtukû wonthe.

Ayubu 36:27

Agucagia matata ma manjî kuuma nthî, akamagarûra magatuîka mbura.

Ayubu 36:28

Atûmaga mbura yure kuuma matuurî îkaura mûno kûrî andû onthe.

Ayubu 38:8

Kana nû wavingîrîrie îria rîrîa rînene na mîrango, rîrîa manjî maativûkire kuuma kûrîa kûriku na makîaraga nthî?

Thaburi 147:8

Nîatambarûkagia matu îgûrû rîetû, nîke ûtûmaga mbura yure nthî, na agatûma nyaki îmere irîmarî.

Nthi 3:20

Ûmenyo wake nîwatûmire nyûnjî ciume nthî, na matu maurithie mbura.

Jeremia 10:13

Vîndî îrîa aruta mûgambo manjî marîa marî îgûrû nîmarurumaga, na nîke ûtûmaga matu mambate kuuma mîthiia ya nthî. Atûmaga rûveni rûvenie rîrîa kûraura, na agatûma rûkûngi rûke rumîte kûrîa rwîkaraga.

Jeremia 14:22

Kûrî ngai cia mîvuanano mavûrûri ingiurithia mbura? Kana îgûrû rîo rîene riurithie mbura, kinthî tîwe Ngai-Mûnene Ngai wetû? Twigîte mwîvoko wetû kûrî we, nîûndû nîwe wîkaga maûndû mama monthe.

Jeremia 5:24

Matiîciragia mandîîe nie Ngai-Mûnene Ngai wao, na nînîmaurithagîria mbura vîndî yayo yakinya. Mbura nene na mbura nini, na ngamûva mavinda magîrîru ma gûketha.

Hosea 14:5

Ngethagîrwa mbîkariî ta îme kûrî andû a Isiraeli nao magacanûka ta yûa rîrîa rîmeraga rûnjîrî, makagîa na mîri ta mîtarakwe ya Lebanoni.

Joeli 2:23

“Kenani, mue andû a Zayuni, mûcanjamûke mûrî kûrî Ngai-Mûnene, Ngai wenyu, nîûndû nîamûvete mbura îrîa mûkwenda. Nîaurithîtie mbura ya kwîgana, mbura nene na mbura nini wata mbere.

Amosi 4:7

Nînagiririe mbura yure rîrîa mwamîvatarîte mûno. Nînatûmire mbura yure îtûûrarî rîmwe nwatî ngîgiria yure îtûûrarî rîu rîngî. Mbura yauraga mûgûndarî ûmwe nwatî mûgûnda ûcio wîngî ûkaûmagara.

Mathaayo 5:45

nîguo mwonanagie atî mwî ciana cia Îthe wenyu ûrîa ûrî îgûrû. Nîûndû ke nîke ûtûmaga riûa rîake rîarîre andû arîa aro na arîa acûku, na akauria mbura kûrî andû arîa mekaga waro, na arîa mekaga naaî.

Gûco 33:13

Ûvoro wîgiî mûvîrîga wa Josefu nîwaugire atîrî, “Ngai-Mûnene arotûma îme rîgwe kuuma îgûrû, na amaretere manjî marîa matherûkaga kuuma rungu rwa nthî.

Gûco 33:28

Kwoguo andû a Isiraeli matûûraga marî na thayû, njiarwa cia Jakovu itûûraga itarî na thîna, vûrûrirî wîcûrîte ngano na ndivei, kûrîa mbura yuraga kuuma îgûrû.