Ayubu 37:24 - ÎVUKU RÎA ÛVORO MWARO

²⁴ Kwoguo andû onthe nîmamûvecaga gîtîîo; na ndarûmbûyanagia na mûndû ûrîa wîtucaga mûgî.”

Ayubu 37:24 ပူးပေါင်းရင်းမြစ်များ

Ayubu 5:13

Nîanyitaga andû arîa aûgî na wara wao, na nîarûngamagia mîvango ya arîa etîi wa rîmwe.

Thaburi 130:4

Nwatî we nîûtwovagîra, nîguo tûgûtîîage.

Thaburi 33:8

Nthî yonthe nî îgooce Ngai-Mûnene! Andû onthe a nthî îîtigîreni Ngai-Mûnene!

Thaburi 40:4

Kûrathimwa nî arîa mevokete Ngai-Mûnene, arîa matarûmagîrîra mîvuanano, kana magwatanîra na arîa magoocaga ngai cia maveeni.

Mûvunjia 9:11

Nînacokire ngîmenya ûndû wîngî atî gûkû nthî andû arîa marî îvenya mativootanaga îvenyarî vîndî cionthe, na arîa marî vinya mativootanaga mbaararî vîndî cionthe. Andû arîa aûgî matinyitaga kîrîa mendaga vîndî cionthe, andû arîa aûgî matitongaga, nao andû arîa marî ûmenyo matinenevagua maûndûrî. Maûndû macûku maûkaga kûrî andû onthe.

Isaia 5:21

Andû arîa meyonaga marî aûgî kaî marî na thîna-î, arîa meyonaga marî na wara mwîngî.

Jeremia 32:39

Nîngamava mworoto ûmwe nîguo mavote gûtûûra mandîaga tene na tene nîûndû wa wagîrîru wao o ene na wa njiarwa ciao.

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Jeremia 5:22

Ngai-Mûnene araûria atîrî, Nîndûî kîgiragia mûnîîtigîra? Nîndûî kîgiragia mwinaine mûrî mbere yakwa? Nînaigîre mûthanga ûtuîke mûvaka wa îria, mûvaka wa gûtûûra ûrîa rîtangîkîra. Wana ethîrwa makûmbî nîmaikanagia ava na vaarîa mwatî matingîûvîtûka, wana ethîrwa nîmarurumaga, matingîûkîra.

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Jona 1:16

Amenyereri acio a meri nîmeetigîre Ngai-Mûnene mûno, na nîmaamûrutîre magongoona na makîmwîrîra na mîvîtwa atî, makaamûtungatagîra.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Luka 10:21

Vîndî îo Jesû nîwakenire ecûrîtwe nî Roho Mûtheru na akiuga atîrî, “Vava wa îgûrû na nthî, nînagûcokeria ngatho nîûndû we nîwonetie andû arîa enyivia maûndû marîa ûthithîte andû arîa aûgî na imenyi. Îni nîguo Vava, ûguo nîguo we wendaga gwîkîke.”

Aroma 2:4

Kana nîkwa we ûnyararîte ûtugi wake mwîngî, ûkirîrîria na wetereri. Nama we nîwîcî atî Ngai nî mûtugi nîûndû nîakwonagîrîria njîra ya kwîrira?

1Akor 1:26

Ariû na aarî a îthe wetû, taririkanani ûrîa mwekariî rîrîa Ngai aamwîtire. Kûringana na woni wa andû, tî eengî gatagatîrî kenyu maarî aûgî kana maarî na vinya wana kana maaciarîrwe mîciîrî ya vata.

1Akor 3:19

Nîûndû kîrîa andû a gûkû nthî metaga ûûgî, Ngai agîtaga ûrimû. Kwandîkîtwe mandîkorî matheru atîrî, “Ngai atûmagîra wara wa andû arîa aûgî ûrî ta mûtego wa kûmatega.”