Ayubu 37:23 - ÎVUKU RÎA ÛVORO MWARO

²³ Tûtingîvota gûkuvîvîria Ngai Mwene Vinya; ke arî ûvoti mwîngî na kîvooto, ke ecûrîtwe nî wega na ndavinyanagîrîria.

Ayubu 37:23 ပူးပေါင်းရင်းမြစ်များ

Ayubu 11:7

“Nwa ûvote kûmenya nthintho ya Ngai? Nwa ûvote kûmenya ûnene wa Ngai mwene vinya wonthe?

Ayubu 11:8

Ûnene wake ûnenevete ûgakîrûka matu, we ndûngîûkinyîra, na nîmûrikîru gûkîra kûrîa gwa akuû, we ndûngîmenya.

Ayubu 12:13

Nwatî ûûgî na vinya nî cia Ngai, naguo ûmenyo na kîrîra nî ciake.

Ayubu 25:2

“Ngai arî ûvoti mwîngî, na nîwagwîtigîrwa nî andû onthe. Kûu îgûrû aathanaga nîatûmaga kûgîe na thayû.

Ayubu 26:14

Nwatî mau nî maûndû manini ma kwonania ûvoti wake, nî kamûgambo gaceke gake tu twîguîte. Nû ûngîmenya ûnene na vinya yake?

Ayubu 36:26

Ngai nî mûnene mûno na tûtingîvota kûmûmenya, kana tûmenya ûkûrû wake.

Ayubu 36:3

Nîngûkwonia na njîra nyîngî ûrîa ûmenyo wakwa wîgana. Nîngûmwonia atî ûrîa wanyûmbire nî mûthingu.

Ayubu 36:5

“Taroria Ngai arî vinya, na ndairaga mûndû, arî vinya mwîngî mûno wa meciria.

Ayubu 37:19

Tûthomithie ûrîa tûkera Ngai; tûrî ndumarî, tûtingîmenya ûrîa tûkuga.

Ayubu 37:22

Aûkaga arî na riiri ta wa thaavu aumîte mwena wa rûgûrû, Na riiri wake nîûtûmaga arîa mamwonaga mamwîtigîre.

Ayubu 8:3

Anga Ngai nîareganaga na kîvooto? Kana wîciragia Ngai Mwene Vinya wonthe nîareganaga na ûûma?

Ayubu 9:19

Wana ethîrwa nî kûvirana îgootirî, nû ûngîmûthitanga, ethîrwa nî kûvirana îgootirî, nû ûngîmwîta?

Ayubu 9:4

Ngai nî mûûgî na arî vinya nyîngî, kûrî mûndû wanakararania nake na akavootana?

Thaburi 145:3

Ngai-Mûnene nî mûnene na nîwagîrîrwe nî gûkumua mûno, ûnene wake ndûngîmenyeka nî mûndû.

Thaburi 30:5

Marakara ma Ngai-Mûnene nî ma kavinda kanini, na wega wake nî wa tene na tene. Nwa kwîthîrwe kûrî na kîrîro ûtukû, nwatî kîraûko kwîthîrwe na gîkeno.

Thaburi 62:11

Nîmbîguîte mavinda meengî Ngai akiuga atî ûvoti nî wake,

Thaburi 62:12

na atî wendo wake ndûthiraga, na arîvaga mûndû kûringana na ciîko ciake.

Thaburi 65:6

Nîwavandire irîma varîa irî na vinya waku, na ûkîonania ûvoti waku mûnene.

Thaburi 66:3

Îrani Ngai atîrî, “Kaî maûndû marîa wîkaga nî ma magegania-î! Nthû ciaku nîikwînamagîrîra nî gûgwîtigîra irî mbere yaku.

Thaburi 93:1

Ngai-Mûnene nî mûthamaki. Ecûrîtwe nî riiri na vinya; nîatûmîte nthî îîvande na ndîngîenyenyeka.

Thaburi 99:4

We mûthamaki mwene Vinya Wonthe, mwendi ûthingu; Nîwonanîtie kîvooto Isiraeli; nîwonanîtie ûthingu na waragania.

Mûvunjia 3:11

Ngai nîavangîrîte ûndû wonthe mwaro mavinda marîa magîrîru. Nîatûvete wendi wa kûmenya maûndû ma vuvarî, nwatî ndaanatûva ûvoti wa kûmenya ûrîa Ngai ekîte kuuma Kîammbîrîria nginya mûthiia.

Mûvunjia 7:24

Nî vinya mûno kûmenya maûndû monthe, na gûtirî mûndû ûngîvota kûmenya maûndû monthe.

Isaia 45:21

Umbûrani na mwîtetere; tigani andû maciire marî vamwe. Nû waririe maûndû mama wa tene? Anga tî nie Ngai-Mûnene? Gûtirî ngai îngî tiga nie, nînie Ngai mûthingu na Mûvonokia; gûtirî ngai îngî tiga nie.

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Ezek 18:23

Mûreciria nwa ngenerere gîkuû Kîam mûndû mwîvia? Ûguo nîguo Ngai-Mûnene araûria? Naarî. Kinthî tîkava agarûrûke atige njîra îo atûûre mwoyo.

Ezek 18:32

Nie ndikenagîra gûkua kwa mûndû wa wonthe, ûguo nîguo Ngai-Mûnene augîte. Kwoguo garûrûkani nîguo mûtûûre mwoyo.”

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Luka 10:22

“Vava nîmûnengeru maûndû monthe. Gûtirî mûndû wana ûmwe wîcî Mûriû tiga Îthe, na gûtirî mûndû wana ûmwe wîcî Vava tiga Mûriû na andû arîa Mûriû endaga kûmenyithia ke nû.”

Aroma 11:33

Na kaî ûtonga wa Ngai nî mûnene-î! Na kaî ûûgî wake na ûmenyo nî mûrikîru-î! Nû ûngîtaarîria matua make? Nû ûngîmenya njîra ciake?

1Tim 6:16

Ke nîke tu ûtakucaga. Atûûraga ûtherirî ûtangîkuvîvîrua nî mûndû. Gûtirî mûndû wanamwona na gûtirî mûndû ûngîvota kûmwona. Ke arotîîwa na agîe na wathani ûrîa ûtathiraga! Ameni.

Ahib 12:10

Methe metû ma gûkû nthî nîmaatûverithirie gwa kavinda kanini kûringana na ûrîa moonaga kwagîrîrîte. Nwatî Ngai atûverithagia tûgunîke na nîguo tûkaagaa ûtheru wake.