Ayubu 37:12 - ÎVUKU RÎA ÛVORO MWARO

¹² Aciathaga ikathiûrûrûka kûndû kuonthe, ikavingie maûndû marîa Ngai aciathaga ciîke, nthî yonthe kûrîa gûtûûragwa.

Ayubu 37:12 ပူးပေါင်းရင်းမြစ်များ

Ayubu 36:32

Anyitaga rûveni na njara yake, na agatûma rûvenie wa varîa akwenda.

Ayubu 37:3

Atûmaga ûtheri kuuma îgûrû ûnyaganie kûndû kuonthe, naruo rûveni rwake rûgakinya mîena yonthe ya nthî.

Thaburi 104:24

We Ngai-Mûnene, nîwîkîte maûndû meengî mûno! Wathondekire monthe na ûûgî! Nthî îcûrîte ciûmbe ciaku.

Thaburi 147:15

Nîathanaga gûkû nthî, na ûrîa auga nîwîkagwa na îvenya.

Thaburi 148:8

Mveni, mbura ya mbembe, mbaravu na mbaa, rûkûngi rûnene rûrîa rûvingagia watho wake!

Isaia 14:21

Îîvarîrieni kûûraga ciana ciake nîûndû wa mavîtia ma methe mao, nîguo matigacoke kwatha nthî, na mamîcûrie matûûra mao.”

Isaia 27:6

Vîndî nîgaakinya rîrîa njiarwa cia Jakovu ikaagîa na mîri, Isiraeli nîkaamera na îtheûke, na matunda mayo nîmagecûra nthî yonthe.

Jeremia 14:22

Kûrî ngai cia mîvuanano mavûrûri ingiurithia mbura? Kana îgûrû rîo rîene riurithie mbura, kinthî tîwe Ngai-Mûnene Ngai wetû? Twigîte mwîvoko wetû kûrî we, nîûndû nîwe wîkaga maûndû mama monthe.

Joeli 2:23

“Kenani, mue andû a Zayuni, mûcanjamûke mûrî kûrî Ngai-Mûnene, Ngai wenyu, nîûndû nîamûvete mbura îrîa mûkwenda. Nîaurithîtie mbura ya kwîgana, mbura nene na mbura nini wata mbere.

Amosi 4:7

Nînagiririe mbura yure rîrîa mwamîvatarîte mûno. Nînatûmire mbura yure îtûûrarî rîmwe nwatî ngîgiria yure îtûûrarî rîu rîngî. Mbura yauraga mûgûndarî ûmwe nwatî mûgûnda ûcio wîngî ûkaûmagara.

Kûguû 11:6

Aira acio marî na ûvoti wa kûgiria mbura yure kavindarî karîa methagîrwa makîanîrîra ndûmîrîri ya Ngai. O marî na ûvoti wa kûgarûra manjî magatuîka nthakame, na wa gûtûma kûgîe na mathîna ma mîthemba mîîngî gûkû nthî maita meengî wa ûrîa mangîenda.