Ayubu 36:7 - ÎVUKU RÎA ÛVORO MWARO

⁷ Ngai nîagitagîra arîa athingu, akametîkîria mekarîre itî cia ûthamaki, na agatûma mekare marî atîîe tene na tene.

Ayubu 36:7 ပူးပေါင်းရင်းမြစ်များ

Kîam 23:6

“Mûthuuri ûyû, ta tûthikîrîrie; tue tûonaga ûrî mûtongoria mûnene. Thika mûkaguo mbîrîrarî yetû îrîa mbaro mûno. Gûtirî mûndû wanarî ûmwe gatagatîrî getû ûtangîkûva mbîrîra ya kûthika mûkaguo.”

Kîam 41:40

We nîwe ngûtua mûrûngamîrîri wa vûrûri wakwa. Andû onthe akwa magekaga ûrîa wathana. Gûtirî mûndû wîngî ûkethagîrwa arî mûnene gûgûkîra tiga nie.

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

Esita 10:3

Moridekai aarî wa kaîrî wathanirî kuuma kûrî mûthamaki Ahasuerusi. Aarî mûtîîe mûno na akendwa nî Ayahudi arîa engî. Nîwarutaga wîra mwaro mûno kûrî andû ake nîguo magîe na ûtûûro mwaro na njiarwa ciake cionthe ciîthagîrwe irî na thayû.

Ayubu 1:3

Aarî na ûtonga wa ng'ondu ngiri mûgwanja (7,000), ngamîîra ngiri ithatû 3,000, ndegwa cia mûraû ngiri îmwe (1,000), na mvunda magana matano (500). Ayubu aarî na ndungata nyîngî mûno, na nîke warî gîtonga kînene mûno gûkîra andû onthe mwena wa îrathîro.

Ayubu 22:29

Nîûndû Ngai nîanyivagia arîa etîi, na akavonokia arîa menyivagia.

Ayubu 31:4

Ngai nîecî njîra ciakwa, na akamenya ciîko ciakwa cionthe.

Ayubu 4:7

Taririkana rîu, wone kana kûrî mûndû ûtarî mavîtia wanacûkangua, kana mûndû mûthingu aûragîtwe?

Ayubu 42:12

Ngai-Mûnene nîwarathimire Ayubu ûtûrorî wake wa mûthiia gûkîra ûrîa aamûrathimîte ûtûrorî wa mbere.

Ayubu 5:11

Nîanenevagia arîa menyivagia, na agatûma arîa maracakaya makene.

Thaburi 33:16

Mûthamaki ndavootanaga nîûndû wa wîngî wa athigari ake a mbaara, mûthigari ndavootanaga nîûndû wa vinya wake.

Thaburi 33:18

Ngai-Mûnene nîaroragia arîa mamwathîkagîra, arîa mevokete wendo wake ûtathiraga.

Thaburi 34:15

Ngai-Mûnene aroragia andû arîa athingu, na nîathikagîrîria kîrîro Kîamo.

Thaburi 34:16

Nwatî nîareganaga na andû arîa mekaga maûndû macûku, na makua nîatûmaga mariganîre gûkû nthî.

Thaburi 41:12

We nîûndethagia nîûndû mbîkaga maûndû maro, na nîûmbigaga vakuvî nawe tene na tene.

Isaia 22:23

Nîngaavanda Eliakimu na kinyi ta mûcumarî ûvûrîrîtwe vandû na nîakaavewa gîtîîo nî andû a nyomba ya îthe.

Zefania 3:17

Ngai-Mûnene Ngai wenyu arî gatagatîrî kenyu, vinya wake nîûvecanaga ûvootani; ke nîagaagûkenerera na gîkeno kînene, ke nîagaakûva ûtûûro mûcerû na kwenda gwake, nîagaakwambararia akinaga augîrîrîtie mûno,

2Ath 3:3

Nwatî Mwathani nîmwîvokeku na nîakûmûva vinya na amûgitîre kuuma kûrî Ûrîa Mûcûku.

1Pet 3:12

Nîûndû Mwathani nîaroragia andû arîa athingu, na akathikîrîria mavoya mao; nwatî nîareganaga na eki naaî.”

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.