Ayubu 33:4 - ÎVUKU RÎA ÛVORO MWARO

⁴ Roho wa Ngai nîguo wanyûmbire, mîruke ya Mwene Vinya wonthe nîyo îndûragia mwoyo.

Ayubu 33:4 ပူးပေါင်းရင်းမြစ်များ

Kîam 2:7

Nake Ngai-Mûnene, Ngai nîwocire mûthetu na akîûmba mûndû naguo. Nîwacokire akîmûveverera mîruke ya mwoyo maniûrûrî, na mûndû ûcio agîtuîka kîûmbe kîrî mwoyo.

Ayubu 10:12

Nîûmvete mwoyo na ûkamva wendo mûnene, nîûmenyererete mwoyo wakwa mûno.

Ayubu 10:3

Wonaga ûgîka waro rîrîa ûkûnginyîrîria? Kana rîrîa ûranyarara wîra wa njara ciaku, na ûkenda wîra wa andû arîa aganu?

Ayubu 12:10

Ûtûûro wa kîndû wa kîonthe kîrî mwoyo, na mwoyo wa mûndû wa wonthe ûrî njararî cia Ngai.

Ayubu 27:3

Rîrîa rîonthe ngwîthîrwa nîrî mwoyo, na roho wa Ngai arî ndaarî yakwa;

Ayubu 32:8

Nwatî roho wa Ngai mwene vinya wonthe, nîguo ûûkaga kûrî mûndû na akagîa na ûûgî.

Thaburi 104:30

Rîrîa waicokeria mîvevû yaku, nîigîcaga na mwoyo rîngî, we nîûtûmaga nthî îgîe na ûtûûro mûcerû.

Thaburi 33:6

Ngai-Mûnene aaûmbire îgûrû na njîra ya kiugo, aaûmbire indo cionthe cia îgûrû na njîra ya mûgambo wake.

Isaia 42:5

Ûguo nîguo Ngai-Mûnene arauga, ûrîa waûmbire îgûrû na akîrîtambûrûkia, nîke waûmbire nthî na indo cionthe irîa irî kuo, nîke ûvecaga andû arîa matûûraga kuo mîvevû, na akava mwoyo arîa matûûraga kuo.

Aroma 8:2

Nîûndû watho wa Roho ûrîa ûtûmaga tûtûûre tûrî ndaarî ya Jesû Kristû nîmûnjovoru kuuma kûrî watho wa mevia na gîkuû.

1Akor 15:45

Mandîkorî Matheru kwandîkîtwe atîrî, “Mûndû wa mbere kûmbwa na nîke Adamu, nîwatuîkire mûndû ûrî mwoyo.” Nwatî Adamu wa mûthiia nîwatuîkire Roho ûrîa ûvecanaga mwoyo.