Ayubu 33:16 - ÎVUKU RÎA ÛVORO MWARO

¹⁶ Nîatûmaga mathikîrîrie ûrîa arauga, na amakaania, nîmagîcaga na guoya.

Ayubu 33:16 ပူးပေါင်းရင်းမြစ်များ

2Sam 7:27

Ngai-Mûnene mwene vinya wonthe, Ngai wa Isiraeli! Ndingîtigîra ngîkûvoya îvoya rîîrî, nîûndû nîûnguûrîrîtie maûndû mama monthe nie ndungata yaku, na nîûmbîrîte atî nîûgaatûma njiarwa ciakwa ituîke athamaki.

Nehemia 9:38

Nîûndû wa maûndû monthe marîa mekîkîte, nîtwathondeka kîrîkanîro kîrûmu na twandîkanîra. Nao atongoria etû, Alawi, athînjîri-Ngai wetû nîmekîra mîvûri yao kîrîkanîrorî kîu.

Ayubu 33:17

Amekaga ûguo nîguo matige kwîvia, na agatûma matigane na mwîtîîo.

Ayubu 36:10

Nîatûmaga mathikîrîrie mataaro make, na akathana matigane na waganu.

Ayubu 36:15

Nwatî Ngai nîavonokagia arîa avinyîrîrie, na njîra ya mathîna marîa moonaga. Atûmaga moone thîna nîguo mamwîgue.

Thaburi 40:6

We ndwendaga magongoona na matega, ndwîtagia matega ma kûvîvua kana ma kûtheria mevia, nwatî ûmvete matû ngwîgucage,

Isaia 48:8

Ndwanamegua, na ndwanamenya ûvoro wamo, ndwanegua maûndû mau na matû maku kuuma tene. Nîûndû nînaicî atî we warî mwaganu mûno, na atî kuuma gûciarwa gwaku we wetagwa mûregi.

Isaia 50:5

Mwathani Ngai-Mûnene nîavingûrîte matû makwa, na ndiatuîka mûregi, kana nîmûtiganîria.

Isaia 6:10

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”

Danieli 2:19

Ûtukû wa ûcio Ngai nîwaguûrîrie Danieli nthitho îo na njîra ya kîoneki. Nake nîwagoocire Ngai wa îgûrû,

Mathaayo 2:12

Nao andû acio nîmaakaanirue nî Ngai marî kîrotorî makîrwa matigaacokerere kwa Herode. Kwoguo nîmaacokire vûrûrirî wao na njîra îngî.

Luka 24:45

Nake Jesû nîwamavotithirie gûtaûkîrwa nî Mandîko,

Ciîko 16:14

Nake ûmwe wa arîa maatûthikîrîrie aarî mûndûmûka wetagwa Lîdia, warî wa kuuma îtûûrarî rîa Thîatira na warî mwendia wa nguo ciarî na rangi ya njambarawe. Ke aarî mûgooci Ngai, na Mwathani nîwavingûrire ngoro yake agîtûma îgue îkîenda kûthikîrîria maûndû marîa Paûlo aaragia.

Aroma 15:28

Narîkia kwona atî andû a kanitha wa Jerusalemu nîmamûkîra ûtethio ûrîa wavecanîtwe nîûndû wao, nîngaaûkîrîra kûu kwenyu ngîthiî Sipania.