Ayubu 31:34 - ÎVUKU RÎA ÛVORO MWARO

³⁴ Ndianegua guoya ngîrûngama mbere ya mwîngî, ndianakira kana nîvingîra nyomba, ngîîtigîra kûnyararwa na kûthirîkua nî andû.

Ayubu 31:34 ပူးပေါင်းရင်းမြစ်များ

2Maû 32:18

Anene acio a Asîria nîmaaugîrîrie na Kîhibirania nîguo andû a Jerusalemu arîa maarî nthingorî mamake na megue guoya nîguo manyite îtûûra rîa Jerusalemu.

Nehemia 13:28

Ûmwe wa avîcî a Jehoiada, mûvîcî wa Eliashibu, Mûthînjîri-Ngai mûnene aavikîtie mwîrîtu wa Sanibalati. Sanibalati aarî wa kuuma Horoni. Kwoguo nînengatire Jehoiada aume Jerusalemu.

Nehemia 5:7

Nîneciririe na ngîtua ûrîa ngwîka. Nînaareganire na atongoria na anene a andû na ngîmeera atîrî, “Mue nîmûravinyîrîria Ayahudi arîa engî enyu!” Nînaacokire ngîta andû na tûkîgomana tûrî gîkundi kînene nîûndû wao,

Esita 4:11

“Ndungata cionthe cia mûthamaki na andû onthe a mavûrûri arîa mathagwa nî mûthamaki nîmaicî atî mûndû wa wonthe arî mûndûmûka kana mûndûmûrûme angîthiî nyomba kwa mûthamaki atarî na rûtha, mûndû ûcio agîrîrwe nî kûûragwa. Mûndû ûrîa tu ûngîvonoka kuumana na watho ûyû nî ûrîa mûthamaki aigîrîrîte mûtî wake wa thaavu wa ûthamaki. Nîrî na mweri mûgima ndathiîte kwa mûthamaki.”

Esita 4:14

Nîûndû ûngîkira îvinda ta rîrî, Ayahudi nîmakaagîa ûtethio kuuma vandû vengî, nwatî we vamwe na andû onthe a mûciî wa aguo nîmûkaaûragwa. Nû wicî atî twa kwîthîrwa we watuîkire mûka wa mûthamaki nîûndû wa îvinda ta rîrî?”

Ayubu 22:8

Nîwîtîkîrîtie arîa marî vinya gwoca ithaka, na ûgîtîkîria arîa wendete matûûre kuo.

Ayubu 34:19

Ndonanagia kîmenyano kûrî anene, ndarûmbûyanagia na itonga gûkîra athîni, nîûndû onthe maûmbirwe nîke.

Ntha 23:2

Ndûkanarûmîrîre mwîngî gwîka maûndû mûcûku, kana ûtongorue nî mwîngî rîrîa ûkûruta ûira wa maveeni îgootirî.

Ntha 32:27

Nake nîwamerire atîrî, “Ngai-Mûnene, Ngai wa Isiraeli augîte mûndû wonthe wa cienyu oce rûviû rwake na mûthiî kûndû kuonthe gûkû mwambîte magema na mûthiî mîîrîgarî yonthe. Mûndû nîaûrage mûrwang'ina, mûrata wake, na mûndû ûrîa mariganîtie nake.”

Nthi 29:25

Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Jeremia 38:16

Nake mûthamaki Zedekia nîwevîtire mbere ya Jeremia na nthitho akiugaga atîrî, “Wata ûrîa Ngai-Mûnene atûûraga mwoyo, Ngai ûrîa watûveere mwoyo, ndigaakûûraga, kana ngûrekereria kûrî andû aya marenda gûkûûraga.”

Jeremia 38:19

Nake mûthamaki Zedekia nîwerire Jeremia atîrî, “Nînîretigîra Ayahudi arîa maaumire gûkû makîthiî gîtûûra gwa Akalidei, nîûndû navota kûnenganîrwa kûrî o, nao mamverithie.”

Mika 7:3

Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.

2Akor 5:16

Kwoguo kuuma rîu, tûtigûcoka gûtucagîra mûndû wa wonthe kûringana na meciria ma andû. Wana ethîrwa vîndî îmwe nîtwatuîrîre Kristû kûringana na ûrîa andû meciragia, rîu tûtiîkaga ûguo.