Ayubu 31:31 - ÎVUKU RÎA ÛVORO MWARO

³¹ Andû onthe arîa mandungataga nîmaicî waro atî, nînyamûkagîra ageni na ngamatuga.

Ayubu 31:31 ပူးပေါင်းရင်းမြစ်များ

Ayubu 19:15

Ageni arîa marî nyomba gwakwa nîariganîre nînie, ndungata ciakwa cia erîtu indungataga ta mûgeni, nduîkîte ta mûndû matanona.

Ayubu 19:22

Nwa nginya mûthiî na mbere na kûnyarira wata ûrîa Ngai areka? Nîkwa mûtareganîra nî ûguo mûnyarirîte?

Ayubu 22:7

Nîwamaimire arîa maarî anogu manjî ma kûnyua, na arîa maarî avûtu ûkîmaima irio cia kûrîa.

Ayubu 29:16

Nie naarî îthe wa athîni, na nînarûmbûyania na maciira ma andû arîa ndaicî.

Ayubu 30:25

Kinthî ndiarîrire nîûndû wa arîa maarî mathînarî? Kinthî ndiacaîre athîni?

Ayubu 31:32

Ndianarekia ageni maraara nja, nînyitaga evîtûkîri ûgeni gwakwa mûciî.

Thaburi 27:2

Rîrîa andû arîa acûku mantharîkîra makîenda kûmbûraga, mavîngagwa na makagwa.

Thaburi 35:25

Ndûgatûme meîra na ngoro atîrî, “Ûrîa tûrendete nîtwamûvoota! Nîtwavingia ûrîa tûrendete!”

Nthi 1:18

Nwatî andû ta acio methithagîra andû, meyûragaga o ene, meyovagîra o ene na makeyûraga.

Isaia 58:10

mûvecage arîa avûtu irio, na mûvingagîrie arîa marî na mathîna mavata mao, ûtheri wenyu ûkaaraga kûrîa kûrî nduma, nakîo kîeva kîenyu kîgarûrwe gîtuîke gîkeno.

1Sam 24:10

Taroria, ûmûnthî we nîweyonera ûrîa Ngai-Mûnene arakûnenganîrîte kûrî nie kûu ngurungarî? Andû amwe akwa nîmambîraga ngûrage, nwatî nîngwîguîrîre ntha na nauga atî, ndingîgwîka ûûru wanarî vanini nîûndû Ngai-Mûnene nîakûthuurîte ûtuîke mûthamaki.

1Sam 24:4

Nao andû a Daudi nîmaamwîrire atîrî, “Gaka nîko kamweke gaku, nîûndû ûmûnthî nîguo mûthenya ûrîa Ngai-Mûnene aakwîrire atî nîakaanenganîra nthû yaku njararî ciaku, nawe nîûkaamwîka wa ûrîa wonthe ûkeenda kûmîka.” Nake Daudi nîwathiîre acemete na agîtinia gîcûrî Kîam nguo ya Saûlo îrîa ndaca atakûmenya.

1Sam 26:8

Abishai nîwerire Daudi atîrî, “Ngai nîanenganîrîte nthû yaku kûrî we ûmûnthî. Mbîtîkîria nîmûmunde na îtumû rîu rîake, nîmûmunda riita rîmwe nînîmûmundithanie na nthî, tînîmûmunda maita maîrî!”