30 Nie ndianatûma kanyua gakwa kevie, na njîra ya kûmûruma kîrumi nîguo akue.
Nîrîmwonu kîrimû kîmarîrîte nwatî wa rîmwe nînarumire kûrîa gîtûûraga.
ethîrwa mbocete indo cia nthû yakwa na vinya gûtarî na gîtûmi, ethîrwa mbîkîte ûmwe wa maûndû mama,
Îîciragie waro mbere ya kwaria ûndû, na ndûkaavinyûre kwîrîra Ngai ûndû, nîûndû Ngai arî îgûrû na we wî gûkû nthî. Kwoguo ndûkarie maûndû meengî.
Ndûkareke ciugo ciaku itûme wîvie nîguo ndûkathiî kwîra mûthînjîri-Ngai atî wevirie ûtakûmenya. Ndûgatûme Ngai arakare na acûkangie wîra waku ûrîa ûrutîte.
“Nie nîramwîra atî mûthenya wa îtuîro andû onthe nîmakaavecana gîtûmi gîa ciugo cionthe itarî vata irîa manaaria.
Nwatî rîu nîramwîra atî, mûndû wa wonthe ûrakaraga nî ûndû wa mûrwang'ina nîagaatuîrwa, na mûndû wa wonthe ûrumaga mûrwang'ina nîagaacirithua nî Kîamma, na mûndû wa wonthe wîtaga ûrîa wîngî, ‘Kîrimû gîkî!’ nîagaaikua mwakirî wa îcua.
Rathimagani andû arîa mamwîkaga naaî, marathimageni na mûtikamarume.
Rûrîmî nwa rûtuîke ta mwaki. Nî vûrûri mûgima wa maûndû macûku gatagatîrî ga ciîga cia mîîrî yetû. Rûrîmî nîrûtambagia ûcûku wa ruo mwîrîrî wonthe. Nîrûvîvagia mûtûûrîre wetû wonthe na mwaki ûrîa ûkaga kûrî ruo kuuma îcua.
Mwekwa naaî tigagani kwîrîvîrîria na naaî. Mwarumwa tigagani kwîrîvîrîria na irumi. Vandû va ûguo rathimanagani, nîûndû kîrathimo nîkîo Ngai aamwîrîîre rîrîa aamwîtire.