Ayubu 31:17 - ÎVUKU RÎA ÛVORO MWARO

¹⁷ Ndianarîa irio ciakwa nî nienga; na ndianarega kûgaana na ciana cia ngoriai;

Ayubu 31:17 ပူးပေါင်းရင်းမြစ်များ

1Joh 3:17

Mûndû angîthîrwa nî mûtongu na one mûrwang'ina kana mwarwang'ina arî na thîna nwatî arege kûmwîguîra ntha, mûndû ûcio nwa ethîrwe endete Ngai?

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.

Aroma 12:13

Tethagiani andû a Ngai arîa mavatarîte ûtethio, na mwamûkagîre ageni mîciîrî yenyu.

Ciîko 4:32

Etîkia onthe maarî na ngwatanîro ya ngoro na meciria. Gûtirî mûndû wana ûmwe gatagatîrî kao waugaga atî arî na kîndû gîake arî wenga. Maatûmagîra indo ciao cionthe marî vamwe.

Johana 13:29

Nwatî nîûndû Judasi nîke waigaga kathandûkû ka mbeca, arutwa amwe meciragia atî nîkwa Jesû aamwîraga athiî akagûre indo irîa ciavataranagia kîrugorî, wana kana atî athiî akave athîni kîndû.

Luka 11:41

Vandû va gwîka ûguo, vecagani athîni ûtethio na indo cionthe cienyu nî igûtuîka ntheru.

Ezek 18:16

na ndavinyagîrîria mûndû. Ke ndocaga kîndû nîguo agaakûrîrwa, ndacuunanaga, nwatî nîagaagîra arîa avûtu irio ciake, na arîa matarî na nguo cia gwîkîra nî amavecaga.

Ezek 18:7

ethîrwa ndavinyagîrîria mûndû wana ûrîkû, nîacokagia kîndû kîrîa eranîrîte kûrî mûndû ûrîa marî thirî nake, wana ndacuunaga andû indo ciao, nwatî nîavecaga arîa avûtu irio na arîa matarî na nguo akamava cia gwîkîra.

Ayubu 22:7

Nîwamaimire arîa maarî anogu manjî ma kûnyua, na arîa maarî avûtu ûkîmaima irio cia kûrîa.

Nehemia 8:10

Thiîni na kwenyu mîciî na mûthondeke kîrugo, mûrîe na mûnyue ndivei îrîa mbaro na mûgaîre arîa matarî na kîndû irio icio cienyu nîûndû ûmûnthî nî mûthenya mûtheru wa Mwathani wetû, kwoguo mûtikegue kîeva. Gîkeno Kîam Ngai-Mûnene nîkîo vinya wenyu.”

Gûco 15:14

Mûvecageni na ûtaana kîrîa Ngai-Mûnene Ngai wenyu amûrathimîte nakîo ta: ng'ondu, ngano na ndivei.

Gûco 15:11

Mûkethagîrwa mûrî na athîni vîndî cionthe vûrûrirî wenyu, kwoguo nîramwatha mûmatanavagîre.

Ayubu 31:18

Nîûndû ûtûûrorî wakwa wonthe mbîthîrîtwe ngîmarera nîrî ta îthe, Kuuma nîrî mwana mbîthîrîtwe ngîmenyerera aka a ndigwa.

Ayubu 31:21

Ndianatûmîra vinya wakwa kûverithia mwana wa ndigwa, nîûndû atî atongoria a îtûûra marî mwena wakwa.

Esita 2:7

Moridekai nîke warerete Hadasa, na nîke Esita, mwîrîtu wa îthe mûkûrû. Aciari a Esita makua, Moridekai nîke wamwocire na akîmûrera arî ta ûmwe wa ciana ciake.