Ayubu 31:14 - ÎVUKU RÎA ÛVORO MWARO

¹⁴ rîrîa Ngai agaûka kûnduîra ngeka atîa? Rîrîa Ngai akanjirithia ngamûcokeria atîa?

Ayubu 31:14 ပူးပေါင်းရင်းမြစ်များ

Ayubu 10:2

We Ngai atî, ndûkanduîre. Mbîîra kîrîa gûtûmaga ûnjirithia.

Ayubu 31:13

Ethîrwa nîndegete kûthikîrîria mateta ma ndungata yakwa ya mûndûmûrûme kana ya mûndûmûka, rîrîa maaretire mateta mao kûrî nie,

Ayubu 31:15

Kinthî Ngai ûrîa wanyûmbire twake waûmbire ndungata ciakwa? Kinthî tuonthe tûtiaûmbirwe nî Ngai ûmwe?

Ayubu 9:32

Nîûndû Ngai tî mûndû ta nie atî nwa nîmûcokerie, wana tûtingîthiî îgootirî gûciira nake.

Thaburi 143:2

Ndûkanjirithie nie, ndungata yaku, nîûndû gûtirî mûndû mûthingu mbere yaku.

Thaburi 44:21

we Ngai, ûngîrî mûmenyu ûvoro ûcio, nîûndû we nîwicî nthitho ya ngoro cietû.

Thaburi 7:6

Ûûi Ngai-Mûnene, rûngama na marakara maku! ûûkîrîre marakara ma nthû ciakwa. Ûka we Ngai wakwa, ûka ûndethie, nîûndû wendaga kîvooto kîrûmagîrîrwe.

Thaburi 76:9

rîrîa warûngamire nîguo ûtucanîre, nîguo ûvonokie andû onthe arîa avinyîrîrie gûkû nthî.

Thaburi 9:12

Nîûndû arîa maûragagwa Ngai-Mûnene nîamarîvagîrîria, ndariganagîrwa nî kîrîro Kîam arîa maranyarirîka.

Thaburi 9:19

Ûka, Ngai-Mûnene! ndûkareke andû mavootane! Rete andû a ndûrîrî varî we na ûmatuîre.

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Hosea 9:7

Mîthenya ya kûverithania nî mîkinyu, mîthenya ya kwîrîvîrîria nîmîkinyu; andû a Isiraeli nwa nginya mamenye mûthenya ûcio. Mue mugaga atî, “Mûrathi nî kîrimû na mûndû ûrîa ûrî na Roho arî na ngoma.” Mugaga ûguo nîûndû wa mevia menyu meengî, na nîûndû wa rûmena rwenyu rûnene îgûrû rîake.

Alawi 25:43

Ndûkamwathe ûmûvinyîrîrîtie, nwatî wathîkagîre Ngai waku.

Mika 7:4

Ûrîa mwaro mûno ekariî ta ria, na ûrîa mwathîki mûno ekariî ta mûgûnda wa mîgua. Îvinda rîa kûverithua nî Ngai nî rîkinyu, na rîu nîavîngîcîku.

Zakaria 2:13

Andû onthe kirani mûrî mbere ya Ngai-Mûnene, nîûndû nîagûka aumîte kûndû gwake kûrîa kûtheru.

Maariko 7:2

Nao nîmoonire arutwa amwe ake makîrîa irio na njara irî na mûgiro; ûguo nî ta kuga na njara itarî nthambie.

Aroma 3:19

Na rîu nîtwîcî atî maûndû monthe marîa marî Wathorî nîma andû arîa marî rungu rwa Watho nîguo gûtikaagîe ciîgwatio, nao andû onthe a nthî matuîke a gûcirithua nî Ngai.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.