Ayubu 30:27 - ÎVUKU RÎA ÛVORO MWARO

²⁷ Nîregua ndangîkîte mûno ngororî na ndirî na thayû, nînginyîrîtwe nî mavinda ma mînyamaaro.

Ayubu 30:27 ပူးပေါင်းရင်းမြစ်များ

Thaburi 22:4

Methe metû nîmaagwîtîkîtie, nîmaagwîtîkîtie na nîwamavonokirie.

Thaburi 38:8

Nîrîmûthiru vinya viû na ngaunîkanga; nînîracaa nîûndû wa ruuo na nîrî na thîna ngororî.

Ntha 8:20

Ngai-Mûnene nîwacokire akîra Musa atîrî, “Rûyû kîraûko tene ûgaaûkîra ûthiî weterere mûthamaki wa Misiri akîthiî rûnjîrî na ûmwîre atîrî, ‘Tiga andû akwa mathiî nîguo makangooce.

Jeremia 31:20

“Efiraimu nî mûvîcîwa ûrîa mendete. Ke nî mwana wakwa ûrîa mendete mûno. Nîûndû wana rîrîa ngûmûnegenia nwa nîmûririkanaga. Kwoguo ngoro yakwa nîîmwîriragîria; nama nîngamwîguîra ntha. Ûguo nîguo nie Ngai-Mûnene nîrauga.

Jeremia 4:19

Ruuo, ruuo! Nînîraturwa mûno! Ngoro yakwa îratuma na vinya, ndingîvota gûkira; nîûndû mûgambo wa karumbeta, na kîng'ora Kîam mbaara.

Maca 1:20

“Ngai-Mûnene ta roria wone gûkaa gwakwa, mwoyo wakwa ndûrî na vinya. Ngoro yakwa nî munîkangu nîûndû mbîthîrîtwe nîrî mûremi. Njîrarî kûrî na mbûragano, nyomba nakuo nîta gîkuû.

Maca 2:11

Metho makwa mecûrîtwe nî methori, ngoro yakwa nî nthînîku mûno, mwoyo wakwa ûrî na kîeva kîngî mûno nîûndû wa andû akwa gûcûkangua, nîûndû ciana irîa nini iragirîkîra mîcemaniorî ya matûûra.