Ayubu 30:23 - ÎVUKU RÎA ÛVORO MWARO

²³ Nîmbicî atî ûmvirîte gîkuûrî, kûrîa andû arîa marî mwoyo mathiîcaga.

Ayubu 30:23 ပူးပေါင်းရင်းမြစ်များ

Kîam 3:19

We ûkonaga irio ciaku cia kûrîa ûithithinîrîte nginya vîndî îrîa ûgaacoka mûtheturî, nîûndû kûu nîkuo warutirwe. Waûmbirwe kuuma mûtheturî, na ûgaacoka ûtuîke mûthetu.”

2Sam 14:14

Tuonthe nwanginya tûgaakua; tûvana ta manjî metîkîte nthî, marîa matangîoceka rîngî. Wanake Ngai ndangîcokia mwoyo mûndû ûrîa ûrîkîtie gûkua, nwatî mûthamaki nwa avote gûcaria njîra ya gûcokia mûciî mûndû ûrîa ûrî îthamîriorî.

Ayubu 10:8

Njara ciaku nîcio cianyûmbire na ikîndûtha ûrîa ûrîa mbîkariî, na rîu njara wa icio nîcio iracoka kûnjûkangia.

Ayubu 14:5

Mîthenya ya mûndû gûtûûra mwoyo nî mîtare, na nîwicî mîeri îrîa agûtûûra mwoyo; na ndangîvîtûkia îvinda rîrîa ûmwigîrîte rîa gûtûûra.

Ayubu 21:33

Atongoragîrua na akarûmîrîrwa nî andû eengî rîrîa aravirwa mbîrîrarî, na rîrîa arathikwa aikagîrua mûthetu kavora.

Ayubu 3:19

Andû onthe, athîni wana arîa marî îgweta methagîrwa mbîrîrarî, wana ngombo nîitigaga kwathwa nî mûciathi.

Ayubu 9:22

Maûndû monthe nîûndû ûmwe, kwoguo mbugaga atî, Ngai acûkangagia andû aro wana arîa acûku.

Mûvunjia 8:8

Gûtirî mûndû ûrî na ûvoti wa kûgiria akua kana ûrî na ûvoti wa mûthenya wa gûkua. Îo nî mbaara tûtangîûra kuuma kûrî yo na waganu ndûngîvonokia mûndû mwaganu.

Mûvunjia 9:5

Andû arîa marî mwoyo nîmaicî atî nîmagaakua. Nwatî andû arîa akuû gûtirî ûndû maicî. Gûtirî kîveo makaavewa na matikaaririkanwa.

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.

Josh 23:14

“Rîu kavinda gakwa nîgakinyu ga gûkua. Mue muonthe nîmwicî meciriarî menyu na ngororî cienyu atî Ngai-Mûnene, Ngai wenyu nîamûvete indo cionthe mbaro irîa aamwîrîîre. Gûtirî wana kîmwe gîtavingîtue.