Ayubu 3:17 - ÎVUKU RÎA ÛVORO MWARO

¹⁷ Kûu mbîrîrarî akuû matithînagia andû, nîkuo arîa anogu mavurûkaga.

Ayubu 3:17 ပူးပေါင်းရင်းမြစ်များ

Ayubu 14:13

“Wana nîkava ûngîanthithire kwa arîa akuû, nîkava ûngîanthithire nginya marakara maku mathire, ûnthithe nginya marakara maku mathire, narîo îvinda rîrîa ûtuîte rîathira ûndirikane.

Ayubu 17:16

Kîrîgîrîro kîu gîakwa nîkînûmîrîra kwa arîa akuû! Tûkathiî tuonthe vamwe rûkûngûrî!

Ayubu 3:16

Wana nîkava nîngîavunirwe, îni, ngathikwa nîrî kîmonje.

Ayubu 3:18

Mbîrîrarî nîkuo mîgwate îthagîrwa îvurûkîte, kûu matigûkagua kana mathwa na vinya.

Mûvunjia 4:2

Kwoguo nîneciririe atî andû arîa akuû marî mûnyaka gûkîra arîa marî mwoyo.

Mûvunjia 9:6

Wendo wao, rûmena rwao na merirîria mao cionthe nîciakwire vamwe nao. Kwoguo matikaanyitanîra maûndûrî marîa mekagwa gûkû nthî.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Luka 12:4

“Arata akwa nîramwîra atîrî: mûtigetigîre andû arîa maûragaga mwîrî na marîkia gwîka ûguo, matirî na ûndû wîngî mangîvota gwîka.

Ahib 4:11

Kwoguo nîtûgerie mûno tûtonye kîvurûkorî kîu, nîguo gûtikethîrwe kûrî mûndû wanarî ûmwe gatagatîrî getû ûkaaremwa nî gûtonya kîvurûkorî nîûndû wa ûremi ta ûcio wao.

Ahib 4:9

Na njîra wata îno, nîgûtigarîtie mûthenya wa kûvurûka wa andû a Ngai, wata ûrîa Ngai aavurûkire mûthenya wa mûgwanja.

2Pet 2:8

Mûndû ûcio warî mûthingu aatûûraga gatagatîrî kao na mûthenya wa mûthenya na nîwathînîkaga egua ciîko ciao njûku.

Kûguû 14:13

Ngîcoka ngîgua mûgambo kuuma îgûrû ûkiuga, “Andîka atîrî: Kûrathimwa nî arîa kuuma rîu magaakucaga marî wîrarî wa Mwathani!” Nake Roho mûtheru arauga atîrî, “Na ma o nîarathime, nîguo manogoke kuuma kûrî mawîra marito, nîûndû ciîko ciao nîimaumaga vuva.”

1Sam 28:19

Ngai-Mûnene nîagaakûrekereria we vamwe na Aisiraeli kûrî Afilisiti. We mûrî na anake aku mûkethîrwa mûrî vamwe nanie rûyû. Ngai-Mûnene nîakaarekereria athigari a Isiraeli wanao kûrî Afilisiti.”