Ayubu 3:10 - ÎVUKU RÎA ÛVORO MWARO

¹⁰ Ûtukû ûcio ndwavinga nda ya nyanya, na ndwagiria mona thîna na kîeva.

Ayubu 3:10 ပူးပေါင်းရင်းမြစ်များ

Kîam 20:18

Iburahimu eekire ûguo nîûndû Ngai-Mûnene aarî mûvingu nda ya mûka wa Abimeleki na ndungata ciake cia erîtu nîguo matikaagîe ciana.

Kîam 29:31

Ngai-Mûnene nîwonire atî Rakeli aarî mwende gûkîra Lea, na kwoguo nîwatûmire Lea agîe na ciana nake Rakeli atuîke nthata.

Ayubu 10:1

“Nie ndirî na vata na ûtûûro wakwa! Nîngwaria mateta makwa ndarî na guoya. Nîngwaria nîrî na ûrûrû mwîngî ngororî.

Ayubu 23:2

Wana ûmûnthî mateta makwa nî marûrû, Ngai nîaramverithia wana ngîcaaga.

Ayubu 3:11

“Naregire gûkuîra îvurî rîa nyanya nîkî, kana ngue ngîciarwa?

Ayubu 3:9

Njata îrîa yumaga gûgîkîa nî yûrîre, nîîkare yetererete ûtheri nwatî ndîkaawona, wana ndîkoona mîrûri ya riûa rîkîratha.

Mûvunjia 11:10

Thiria mîtango ngororî yaku na wîrigagîrîrie ûndû ûrîa ûngîtûria mwîrî waku, nîûndû wîthî na mûthiia wa ûtûûro nî cia mana.

Jeremia 20:17

nîûndû ndambûraga nîrî îvurî rîa nyanya; nyanya angîatuîkire mbîrîra yakwa, îvu rîake rîngîtûûraga rîrî înene.

1Sam 1:5

Wana ethîrwa Elikana nîwendeete Hana, ke aveecaga Hana gîcunjî kîmwe tu, nîûndû Ngai-Mûnene ndaamûveete ciana.