Ayubu 29:8 - ÎVUKU RÎA ÛVORO MWARO

⁸ andû ethî nîmaamonire na makîthenguta vo, nao athuuri makîrûngama nîguo mamve gîtîîo.

Ayubu 29:8 ပူးပေါင်းရင်းမြစ်များ

Ayubu 29:7

Rîrîa nathiîre kûrîa athuuri a îtûûra macemanagia, na ngîkarîra gîtî gîakwa mûcemaniorî;

Ayubu 29:9

Anene nîmaatigire kwaria, na magîkunîka tûnyua twao na njara.

Nthi 16:31

Mbuî nîta nthûmbî ya riiri, îvecagwa mûndû ûrîa ûtûûrîte na njîra ya ûthingu.

Nthi 20:8

Rîrîa mûthamaki ekarîra gîtî Kîam ûnene agîtwithania ciira nîathuurûkanagia maûndû monthe macûku kuuma kûrî marîa maro.

Alawi 19:32

“Vecagani andû arîa akûrû gîtîîo, na mûmbathîkagîre; Nie nînie Ngai-Mûnene.

Aroma 13:7

Marîvageni onthe kîrîa mwagîrîrwe nî kûmarîva. Rutagani gooti rîrîa rîonthe mwagîrîrwe nî kûruta. Îtigagîreni arîa magîrîrwe nî gwîtigîrwa, na mûtîîe arîa magîrîrwe nî gûtîîwa.

Tito 3:1

Ririkania akristiano kwînyivia mbere ya anene na athani. Magîrîrwe nî kûmathîkagîra na kwîthagîrwa mevarîrîtie gwîka ciîko mbaro.

1Pet 2:17

Tîîagani andû onthe, endagani aarî na ariû a îthe wetû, îîtigagîreni Ngai na mûvecage mûthamaki wa Roma gîtîîo.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”