Ayubu 26:7 - ÎVUKU RÎA ÛVORO MWARO

⁷ Ngai atambarûkîtie rûgûrû kûndû gûtarî kîndû, na agacuuria nthî vandû vatarî kîndû.

Ayubu 26:7 ပူးပေါင်းရင်းမြစ်များ

Ayubu 38:6

Itugî irîa inyitîrîrîte nthî ciîkarîrîte ndûî? Kana nû waigire îthiga rîayo rîa mûcingi,

Ayubu 9:8

Nîke wenga watambarûkirie matu, na agîkinyanga makûmbî ma manjî îriarî.

Thaburi 24:2

Aaûmbire mûcingi wa nthî îgûrû rîa îria, na akîmiga îîkindîrîtie îriarî kûrîa kûriku.

Thaburi 89:12

Nîwe waûmbire mwena wa rûgûrû wana mwena wa îveti, kîrîma gîa Taboru na gîa Herimoni nîirakwinîra na gîkeno.

Thaburi 89:13

We ûrî vinya, we ûrî vinya na nîûvootanîte.

Isaia 40:21

Anga mue mûtiîcî? Anga mûtirî mwegua? Anga mûtierwa kuuma Kîammbîrîria? Anga mûtianataûkîrwa kuuma rîrîa nthî yaûmbirwe?

Isaia 40:22

Nthî yaûmbirwe nî ûcio wîkaragîra gîtî gîake Kîam ûnene îgûrû maturî, na kûrî ke andû arîa matûûraga nthî nîta mvandi. Ke atambûrûkîtie matu ta gîtambaa, na agakûnjûra gîtambaa kîu ta îgema rîa gûtûûrwa.

Isaia 40:26

Taroriani îgûrû mwone! Nû waûmbire indo icio cionthe? Nî ûrîa ûitongoragia ta athigari ake a mbaara, nîaicî cionthe ûrîa ciîgana, aciîtaga cionthe na marîîtwa ma cio. Gûtirî wanarî kîndû kîmwe kîthagîrwa gîtarî vo, nîûndû Ngai-Mûnene arî vinya nyîngî.

Isaia 42:5

Ûguo nîguo Ngai-Mûnene arauga, ûrîa waûmbire îgûrû na akîrîtambûrûkia, nîke waûmbire nthî na indo cionthe irîa irî kuo, nîke ûvecaga andû arîa matûûraga kuo mîvevû, na akava mwoyo arîa matûûraga kuo.

Zakaria 12:1

Îno nî ndûmîrîri ndito îgiî Isiraeli kuuma kûrî Ngai-Mûnene ûrîa waûmbire îgûrû, na akîûmba nthî na akîva mûndû mwoyo. Ke arauga atîrî,