Ayubu 23:7 - ÎVUKU RÎA ÛVORO MWARO

⁷ Ngai nwa maranîrie na mûndû mûthingu; na anduîre atî ndivîtîtie wana vanini.

Ayubu 23:7 ပူးပေါင်းရင်းမြစ်များ

Ayubu 13:16

Ûndû ûyû nîguo ûkaamvonokia, atî mûndû mwîvia ndangîvota kûthiî mbere ya Ngai.

Ayubu 13:3

Nwatî nwa mende kwaria na Mwene Vinya wonthe. Nwa mende gûcira na Ngai.

Ayubu 23:10

Nwatî ke nîamenyaga njîra îrîa nûmagîrîra, rîrîa akangeria ngaumîra ntherete ta thaavu.

Ayubu 9:15

Wana ethîrwa nie ndirî na mavîtia, ndingîcokanîria nake. Nwa nginya nîmûvoe ambîguîre ntha ûcio ûtucanagîra ciira.

Isaia 1:18

Ngai-Mûnene arauga atîrî, “Ûkani rîu twarie. Wana ethîrwa mevia menyu mûtunîvîte ta ndûngûrû, makatherua macerûve ta îra. Wana ethîrwa matunîvîte ta nthakame, magacerûvua mekare ta guoya wa ng'ondu.

Jeremia 12:1

We Ngai-Mûnene wî mûthingu, wana ethîrwa nînîrakûretera mateta makwa, kûnarî ûguo nwa mende kwîyarîrîria mbere yaku. Nîndûî gîtûmaga andû arîa aganu mathatûkwa? Nîndûî gîtûmaga andû matarî evokeku mathiî na mbere?

Jeremia 3:5

We nîûtûûra ûndakarîrîte tene na tene, nîûtûûra ûrî na mang'ûrîka tene tene? Isiraeli ûguo nîguo we ûraugire, nwatî nîwîkîte mevia monthe marîa ûngîavotire gwîka.”

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.